އުސްފަސްގަނޑާއި ދިމާލު ކަނޑުމަތިން މަރުވެފައި އޮތް މީހެއް ފެނިއްޖެއެވެ.
ފުލުހުން ހާމަކޮށްފައިވާ ގޮތުގައި އެ ސަރަޙައްދުން މަރުވެފައި އޮތް މީހެއް ފެނިގެން ފުލުހުންނަށް ރިޕޯޓް ކޮށްފައިވަނީ މިއަދު ހަވީރު 5:00 ހާއިރުއެވެ.
އެ ރިޕޯޓު ލިބުމާއެކު އެ ސަރަހައްދަށް ފުލުހުން ގޮސް އެ މީހާގެ ހަށިގަނޑު އައިޖީއެމްއެޗަށް ގެންގޮސްފައިވާކަމަށާއި ހޮސްޕިޓަލަށް ގެންދިޔަ އިރުވެސް އޭނާ މަރުވެފައިވާކަމަށް ފުލުހުން ބުނެއެވެ.
މައުލޫމާތު ލިބޭ ގޮތުގައި މަރުވެފައި ފެނިފައި ވަނީ ހ ވެލަސްފަރު އުމުރުން 62 އަހަރުގެ އިބްރާހިމް ޖައުހަރީ ނަމަކަށް ކިޔާ މީހެކެވެ.
