ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދިޔަ ހަ މީހަކު އަތުލައިގަނެ ތިން މީހަކު ޑީޕޯޓު ކޮށްލައިފި އެވެ.
މޯލްޑިވްސް އިމިގްރޭޝަނުން މިއަދު އެކްސްގައި ކުރި ޕޯސްޓެއްގައި ބުނެފައި ވަނީ ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާ ބިދޭސީން ހޯދުމަށްޓަކައި ފުލުހުންނާއި ގުޅިގެން އެއިދާރާއިން މިދިޔަ އޯގަސްޓު މަހާއި ސެޕްޓެމްބަރު ހާއްސަ އިންސްޕެކްޝަން ތަކެއް ހިންގާފައިވާ ކަމަށެވެ.
އެގޮތުން މިއޮޕަރޭޝަންގެ ތެރެއިން މިކަމުގައި ޝާމިލްވާ ބިދޭސީ ފަސް އަންހެނަކާއި އެޖެންޓެއްގެ ގޮތުގައި މަސައްކަތް ކުރަމުންދިއަ ބިދޭސީ ފިރިހެނަކު އިމިގްރޭޝަން ބެލުމުގެ ދަށަށް ގެނެސްފައިވާ ކަމަށް އެއޮތޯރިޓީން ބުނެފައިވެއެވެ.
އިމިގްރޭޝަނުން ހާމަކޮށްފައިވާ ގޮތުގައި މި މައްސަލަތައް ތަހުޤީޤު ކުރުމަށްފަހު ރާއްޖެ އަނބުރާ ނާދެވޭ ގޮތަށް މީގެތެރެއިން 03 މީހަކު މިހާރު ޑީޕޯޓު ކޮށްލައިފައެވެ.
މީގެއިތުރުން ބާކީ 03 މީހުން ޑީޕޯޓު ކޮށްލުމުގެ މަސައްކަތް މިހާރު ކުރަމުންދާކަމަށް ވެސް އިދާރާއިން އިތުރަށް ބުނެފައިވެއެވެ.
