ބުރިޖު ކައިރީގައި ދެސައިކަލު ޖެހި އެކްސިޑެންޓެއް ހިނގައިފި އެވެ.
މިހާދިސާ އާއި ގުޅިގެން ފުލުހުން ވިދާޅުވީ މިރޭ 22:11 ހާއިރު ބްރިޖުން ފައިބައިގެން ކޮއިމަލާ ހިނގުމަށް އެޅި ސައިކަލަކާއި ބޮޑު ތަކުރުފާނު މަގުން ބުރިޖާއި ދިމާލަށް ދުއްވާފައި ދިޔަ ސައިކަލެއް ޖެހި އެކްސިޑެންޓު ވެފައިވާ މައްސަލަ ފުލުހުންނަށް ރިޕޯޓު ކޮށްފައިވާ ކަމަށެވެ.
މި ހާދިސާގައި އެއް ސައިކަލުގެ ފަހަތުގައި އިން އަންހެނަކު ވިއްސައިގެން ގޮސް ވެއްޓި އޭނާގެ ބޮލަށް ލިބުނު އަނިޔާތަކަށް ފަރުވާދިނުމަށް އައިޖީއެމްއެޗަށް ގެންގޮއްސައި ވާކަމަށް ފުލުހުން މައުލޫމާތު ދެއެވެ.
ފުލުހުން ދަނީ މިމައްސަލަ އިތުރަށް ތަހުގީގު ކުރަމުންނެވެ.
