ބައެއް ކަހަލަ ހަތިޔާރާއެކު ސިފައިންގެ 13 ދުވަހުގެ ތަމްރީނުތަކެއް މާލެ ސަރަހައްދުގައު ކުރިއަށް ގެންދިއުމަށް ހަމަޖެހިގައިވާ ކަމަށް އެ އިދާރާއިން ހާމަކޮށްފިއެވެ.
އެގޮތުން ޤައުމީ ދިފާޢީ ބާރުން ހާމަކޮށްފައި ވަނީ، މި ހިނގާ އޮކްޓޫބަރު މަހުގެ 05 ވަނަ ދުވަހުން ފެށިގެން 18 ވަނަ ދުވަހުގެ ނިޔަލަށް މާލޭގެ 4 ސަރަހައްދެއްގައި މި ތަމްރީނުތައް ކުރިއަށް ގެންދިއުމަށް ހަމަ ޖެހިފައިވާކަމަށެވެ.
އެގޮތުން ހުޅުމާލޭ ތިންވަނަ ފިޔަވަހީގެ އިތުރުން ފަރުކޮޅު ފުށި، ވެލާނާ އިންޓަރނޭޝަނަލް އެއަރޕޯޓް އަދި ހުޅުމާލެ މެއިން ބަސް ސްޓޭޝަން (ފެރީ ޓާރމިނަލް ކުރިމަތި) ގައި މި ތަމްރީނުތައް ކުރިއަށް ދާނެކަން ހާމަކޮށް ޤައުމީ ދިފާޢީ ބާރުން ބުނެފައިވަނީ މި ތަމްރިނުތަކުގައި ބޭނުންކުރާ އެއްވެސް ހަތިޔާރަކީ ނުރައްކާތެރި ހަތިޔާރު ނޫންކަމުގައެވެ. އޭގެ ތެރޭގައި ލައިވް ވަޒަނާއި ގޮވާޒާތުގެ ނުރައްކާތެރި އެއްވެސް ބާވަތެއް ބޭނުމެއް ނުކުރާނެ ކަމަށްވެސް އެ ވުޒާރާއިން ހާމަކޮށްފައިވެއެވެ.
މީގެ އިތުރުން އޮކްޓޯބަރު 14 އިން 16 އަށް ހުޅުމާލެ ފޭސް ތިނެއްގައިވެސް ތަމްރީނުތަކެއް ކުރިއަށްގެންދަން ނިންމާފައިވާ ކަމަށްވެސް އެމްއެންޑީއެފް އިން ހާމަކޮށްފައެވެ.
