ވިއްސާރަވެ މޫސުން ގޯސްވާނެކަމަށް ލަފާކޮށް ރާއްޖޭގެ ދެކުނުގެ އަތޮޅުތަކަށް މޫސުމާއި ބެހޭ ޤައުމީ އިދާރާއިން ރީނދޫ ސަމާލުނެރެފިއެވެ.
އެގޮތުން އެ އިދާރާއިން ރީނދޫ ސަމާލު ނެރެފައިވަނީ، އައްޑޫ ސިޓީ، ފުވައްމުލައް ސިޓީ، ގއ. އަތޮޅު އަދި ގދ. އަތޮޅުގެ ރަށްތަކަށެވެ، އެ އިދާރާއިން ރޭ ފަތިހު 5:30ން މިއަދު ހެނދުނު 08:30އި ހަމައަށް ރީނދޫ ސަމާލު ނެރުނު ނަމަވެސް މިހާރު ވަނީ ރީނދޫ ސަމާލުގެ ވަގުތު ދައްމާލައިފައެވެ.
https://x.com/MetMaldives/status/1842402363669377472
މޫސުމާއި ބެހޭ އިދާރާއިން ނެރުނު ރީނދޫ ސަމާލު މިއަދު މެންދުރު 12:30އި ހަމައަށް ދައްމާލައި ބުނެފައިވަނީ ސަމާލުގެ ވަގުތުތަކުގެ އެ ސަރަހައްދުތަކަށް ބޯކޮށް ވާރޭ ވެހުމުގެ އިތުރުން ވައިގަދަވާނެކަމަށް ލަފާކުރެވޭކަމަށެވެ.
އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށް ލަފާ ކުރެވޭ ކަމަށާއި އަދި ކަނޑުތައް ވެސް ގަދަވާނެ ކަމަށް ލަފާކޮށްފައިވެއެވެ.
