ރާއްޖެއާއި އިންޑިއާގެ ގުޅުން ރަނގަޅުވާތީވެ ކުރީގެ ރައީސް މުޙައްމަދު ނަޝީދު އުފާ ފާޅުކުރައްވައިފިއެވެ.
މިރޭ އެކްސްގައި ކުރެއްވި ޕޯސްޓެއްގައި އެމަނިކުފާނު ވިދާޅުވީ، އިންޑިއާ އާއި ރާއްޖެއަކީ ވަރަށް އެއްގޮތް ގިނަ ކަންތައްތަކެއް ހިއްސާކުރާ ދެ ޤައުމު ކަމަށާއި ރާއްޖެ އާއި އިންޑިއާ އަބަދުވެސް ތިބެންވާނީ އެކުވެރިންގެ ގޮތުގައި ކަމަށެވެ. އަދި ރާއްޖެ އާއި އިންޑިއާގެ ގުޅުން ރަނގަޅުވުމުން އެކަމާ އުފާކުރައްވާ ކަމަށް ވެސް އެމަނިކުފާނު ވިދާޅުވިއެވެ.
އިންޑިއާގެ ރައީސާ ދުރޫޕަތީ މުރުމޫގެ ދައުވަތަކަށް ރައީސް ޑރ. މުޙައްމަދު މުޢިއްޒު އިންޑިއާއަށް ދަތުރުކުރައްވާއިރު، މިއީ ވެރިކަމާއި ހަވާލުވެ ވަޑައިގެންނެވި ފަހުން އެމަނިކުފާނު އިންޑިއާއަށް ކުރައްވާ ފުރަތަމަ ފުރަމާނަ ދަތުރުފުޅެވެ.
ރައީސް އޮފީހުން ހާމަކޮށްފައިވާ ގޮތުގައި މިދަތުރުފުޅުގައި އެމަނިކުފާނު އެޤައުމުގެ ރައީސްގެ އިތުރުން ބޮޑުވަޒީރު ނަރެންދުރަ މޯދީ އާއި ވެސް ބައްދަލުކުރައްވާނެއެވެ.
ރައީސްގެ ދެކަނބަނލުން އިންޑިއާގެ ނިއުދިއްލީއަށް ވަޑައިގެންނެވުމުން އެޤައުމުގެ ސަރުކާރުން އިސްވެރީންގެ ވަފުދެއް އެމަނިކުފާނަށް މަރުހަބާ ކިޔާފައިވާއިރު، އެޤައުމުގެ ދާޚިލީ ވަޒީރު ސުބްރަމާނިއަމް ޖައިޝަންކަރުގެ އަރިހަށް ރައީސް ވަނީ އިހުތިރާމުގެ ޒިޔާރަތެއް ކުރައްވާފައެވެ.
