ފަސިންޖަރުންނާއެކު ނުރައްކާތެރި ދުވެލީގައި ދުއްވި ތިން ލޯންޗް ދުއްވަން ތިބި ކެޕްޓަނުންގެ ލައިސަންސް ހިފަހައްޓައިފިއެވެ.
މި މައްސަލައާއި ގުޅިގެން ފުލުހުން ބުނެފައިވަނީ، ނުރައްކާތެރި ދުވެލީގައި ލޯންޗް ދުއްވި ތިން ކެޕްޓަނުންގެ ލައިސަންސް މިމަހުގެ 5 ވަނަ ދުވަހު ހިފަހައްޓައި ކަމާ ގުޅުންހުރި ލިޔެ ކިޔުންތައް ދަތުރު ފަތުރާއި ކަނޑުގެ ވަސީލަތްތަކާ ބެހޭ ވުޒާރާއަށް ފޮނުވައިފައިވާ ކަމަށެވެ.
އަދި މި. މައްސަލައިގައި ދާއިމީ ފިޔަވަޅެއް އަޅާނީ އެ އިދާރާއިން ކަމުގައިވެސް ފުލުހުން ވަނީ ބުނެފައެވެ.
ފުލުހުން މިމައްސަލަ ތަހުޤީޤުކުރަން ފަށާފައިވަނީ ރަށެއްގެ ފަޅުތެރެއަށް ނުރައްކާތެރިގޮތަކަށް ދެލޯންޗެއް ދުއްވާފައި ވަންނަ ވީޑިއޯއެއް މީސްމީޑީއާގައި ދައުރުވާން ފެށުމާއެކުއެވެ.
ފުލުހުން ވަނީ މީސް މީޑިއާގައި ދައުރުވާ ވީޑިއޯއިން ފެންނަ ލޯންޗުތަކަކީ މިދިޔަ އޮގަސްޓް މަހުގެ 13 ވަނަ ދުވަހު އއ.އަތޮޅަށް ދަތުރު ކުރި ލޯންޗުތަކެއް ކަމަށް ބުނެފައެވެ.
