ރައީސް ޑރ މުޙައްމަދު މުޢިއްޒު އަވަހާރަކޮށްލާނެކަމަށްބުނެ މީސްމީޑީޔާގެ ފޭސްބުކްގައި އިންޒާރުދިން މީހާ ހައްޔަރުކޮށްފިއެވެ.
އެގޮތުން މި މައްސަލައިގައި ހައްޔަރުކުރި ގ. ސަންސަންގެއާގެ، އުމުރުން 40 އަހަރުގެ އަބްދުﷲ މިޔާދު ހައްޔަރުކޮށްފައިވަނީ، ރޭގެ ވަގުތެއްގައި އޭނާ ރާއްޖެއައުމުން ކަމުގައި ފުލުހުން ވަނީ ހާމަކޮށްފައެވެ.
ރައީސަށް މަރުގެ އިންޒާރު ދިނުމުގެ އިތުރުންވެސް އެކި އެކި ސިޔާސީ މީހުންނަށް މަރުގެ އިންޒާރު މީސް މީޑިޔާގައި މިޔާދު ދީފައިވާކަން ފާހަގަކޮށްލެވެއެވެ.
އަބްދުﷲ މިޔާދުގެ މައްޗަށް ފުލުހުން ކުރަނީ، ރައީސް މުއިއްޒާއި ދައުލަތުގެ އެކި ފެންވަރުގެ ވެރިން އަވަހާރަކޮށްލަން ޖެހޭ ކަމަށް ބުނެ، މީސްމީޑިއާގައި ޕޯސްޓްކުރާ ކަމުގެ ތުހުމަތެވެ.
އަދި މީގެ އިތުރުންވެސް އެއް ޖިންސުން ގުޅުން ހިންގަން ހިތްވަރުދީވެސް އޭނާ މީސްމީޑިއާގައި ޕޯސްޓްކުރާ ކަމަށް ތުހުމަތުކުރެވެއެވެ.
މި މައްސަލަ ފުލުހުން އަންނަނީ ތަހުގީގުކުރަމުންނެވެ.
