މޯލްޑިއަން އެއާލައިންގެ ދަތުރުތައް ގއ. ކޫއްޑޫ އެއާޕޯޓަށް މެދުކަނޑާލީ ރަންވޭގެ ހާލަތުގެ ދަށްވުމުގެ ސަބަބުން މޯލްޑިވިއަންގެ ދެ ބޯޓަށް ގެއްލުންވެގެން ކަމަށް ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވެއްޖެއެވެ.
އަމީން ވިދާޅުވީ ކޫއްޑު އެއާޕޯޓުގެ ރަންވޭގެ ފެންވަރު ދަށްވުމާ ގުޅިގެން އެ އެއާޕޯޓަށް ދަތުރުތައް ކުރުން މޯލްޑިވިއަނުން މިހާރު ވަނީ މެދުކަނޑާލާފައިވާ ކަމަށާއި، އެ ތަން މަރާމާތުކޮށް އަވަހަށް އަލުން ދަތުރުތައް ފަށަން ސަރުކާރުން މަސައްކަތް ފަށައިފައިވާ ކަމަށެވެ.
“އިރާދަކުރެއްވިއްޔާ ވަރަށް އަވަހަށް މައްސަލަ ހައްލުކޮށް އެއަރޕޯޓް އާންމު ހާލަތަށް ގެނެވޭނެ” އަމީން
އެގޮތުން އެވުޒާރާގެ އިސް ނެގުމާއެކު، ސިވިލް އޭވިއޭޝަން އޮތޯރިޓީއާއި، އެއަރޕޯޓް އޮޕަރޭޓަރ އަދި ގުޅުންހުރި ފަރާތްތަކާ ގުޅިގެން މައްސަލަ ހައްލު ކުރުމުގެ މަސައްކަތް ފަށާފައިވާ ކަމަށް އަމީން ވިދާޅުވިއެވެ.
