ރ އަލިފުށީ ކަނޑުތޮށި ކައިރިއަށް މަސްހިފަން ފައިބައި އުޅުނު ޒުވާނަކު ނިޔާވެއްޖެއެވެ.
ފުލުހުން ހާމަކޮށްފައިވާ ގޮތުގައި އެރަށު ކަނޑުތޮށި ކައިރިއަށް މަސްހިފަން އެރުނު 3 ޒުވާނެއްގެ ތެރެއިން އެކަކު މައްޗަށް ނާރާކަމުގެ ރިޕޯޓް މިއަދު މެންދުރު 12:08 ހާއިރު ފުލުހަށް ރިޕޯޓް ކޮށްފައިވާކަމަށެވެ.
އަދި އެ ޒުވާނާ ނަގައިގެން އަލިފުށީ ސިއްޙީ މަރުކަޒަށް ގެންދެވިފައިވާ ކަމަށާއި ، އޭނާ ނިޔާވެފައިވާކަމަށް އެރަށު ސިއްހީ މަރުކަޒާއި ހަވާލާދީ ފުލުހުން ބުނެފައިވެއެވެ.
މިހާދިސާގައި ނިޔާވެފައިވަނީ ރ އަލިފުށީ ކަޝްމީރުގޭ އުމުރުން 24 އަހަރުގެ ނަބީޙް ހަސަން ކިޔާ ޒުވާނެކެވެ.
މި މައްސަލަ ފުލުހުން އަންނަނީ ތަހުގީގު ކުރަމުންނެވެ.
