ދެކުނުގެ އަތޮޅެއްގެ ރަށެއްގެ ސްކޫލުގައި މަސައްކަތް ކުރާ ޓީޗަރަކު ކިޔަވައިދޭ ދަރިވަރުންތަކެއް ގްރޫމް ކުރި މައްސަލައެއް ފުލުހުން ތަހުޤީގުކުރަން ފަށައިފިއެވެ.
އެގޮތުން ފުލުހުން ހާމަކުރި ގޮތުގައި މިކަން ހިނގައިފައިވަނީ ދެކުނުގެ އަތޮޅުތަކުގައި ހިމެނޭ، މ، ފ، ދ، ތ، ލ އަތޮޅުގެ ރަށެއްގައި ކަމަށެވެ.
އެގޮތުން އެރަށުގެ ސްކޫލުގައި މަސައްކަތް ކުރާ ފިރިހެން ޓީޗަރެއް ދަރިވަރުންގެ އުމުރާ ނުގުޅޭ ވާހަކަ ދައްކައި އުމުރާއި ނުގުޅޭ ވާހަކައެއް ދެއްކި މައްސަލައެއް މި މަހުގެ 17 ވަނަ ދުވަހު ދެކުނު ސެންޓްރަލް ޕޮލިހަށް ހުށަހެޅިފައިވާކަމަށް ފުލުހުން ވަނީ ހާމަކޮށްފައެވެ.
އަދި މި މައްސަލަ ތަހުޤީގުކުރަމުން އަންނަ ކަމުގައި ފުލުހުން ވަނީ ބުނެފައެވެ.
އެހެން ނަމަވެސް ކުޑަކުދިންނާ ގުޅޭ މައްސަލަތަކަކީ ސީރިއަސް މައްސަލަތަކަކަށްވާތީ ކުއްޖާގެ ވަނަވަރު ރައްކާތެރި ކުރުމުގެ ގޮތުން ފުލުހުން ކުއްޖާގެ އަތޮޅާއި ރަށް ހާމަކޮށްފައެއް ނުވެއެވެ.
ކުޑަކުދިންނަށް ޖިންސީ އަނިޔާކުރުމުގެ މައްސަލަތަކާއި އަދި އެކުދިންގެ އުމުރާއި ނުގުޅޭ ވާހަކަތައް ދެއްކުމާއި ގްރޫމްކުރުމުގެ މައްސަލަތައް ދޭތެރެ ދޭތެރެއިން ފެންމަތިވެ ފުލުހުން ތަޙުޤީގުކުރާކަން ފާހަގަކޮށްލެއެވެ.
