ރާއްޖެއިން ބޭރުގައި ކިޔަވާ ދިވެހި ދަރިވަރުންނަށް ބޭންކް އޮފް މޯލްޑިވްސް (ބީއެމްއެލް)ގެ ޑެބިޓް އަދި ކްރެޑިޓް ކާޑު ބޭނުންކޮށްގެން ޑޮލަރު ނެގޭ މިންވަރު 1،200 ޑޮލަރަށް އިތުރުކޮށްފިއެވެ.
ބީއެމްއެލް އިން މިއަދު އާއްމުކޮށްފައިވާ ބަޔާނެއްގައި ބުނެފައި ވަނީ ރާއްޖެއިން ބޭރުގައި ކިޔަވާ ދަރިވަރުންގެ ކާޑު ލިމިޓް އަންނަ ނޮވެމްބަރު މަހުގެ އެއް ވަނަ ދުވަހުން ފެށިގެން 1،200 ޑޮލަރަށް ބޮޑު ކުރަން ނިންމާވަފައިވާ ކަމަށެވެ.
މިހާރު ރާއްޖެއިން ބޭރުގައި ކިޔަވާ ދަރިވަރުންނަށް ޑޮލަރު ލިމިޓްގެ ގޮތުގައި ކަނޑައަޅާފައިވަނީ 750 ޑޮލަރެވެ.
ބީއެމްއެލްއިން ހާމަކޮށްފައިވާ ގޮތުގައި ބޮޑުކުރާ ކާޑް ލިމިޓަށް އެދި ދަރިވަރުން އޮންލައިން ޕޯޓަލްއެއް މެދުވެރިކޮށް ރަޖިސްޓްރީކުރަން ޖެހޭނެއެވެ.
އެގޮތުން ރަޖިސްޓްރޭޝަނަށް ވަރަށް އަވަހަށް ހުޅުވާލާނެ ކަމަށާއި، ރަޖިސްޓްރީ ކުރާއިރު ބޭރުގައި ކިޔަވާކަމުގެ ރަސްމީ ލިޔެކިއުންތައް ހުށަހަޅަން ޖެހޭނެ ކަމަށްވެސް ބީއެމްއެލް އިން ބުނެފައިވެއެވެ.
މިކަމާއި ގުޅިގެން ބީއެމްއެލްގެ ސީއީއޯ މުހައްމަދު ޝަރީފް ވިދާޅުވީ، ޑޮލަރު ލިބުމުގައި އަދިވެސް ދަތިތަކެއް އެބަހުރި ކަމަށާއި، އެހެން ނަމަވެސް ރާއްޖޭގައި ބޭރުގައި ކިޔަވަމުންދާ ދަރިވަރުންނަށް ދިމާވާ ދަތިތައްވެސް ފާހަގަކުރެވޭ ކަމަށެވެ.
