ދެކުނުގެ އަތޮޅެއްގެ ރަށެއްގައި 8 އަހަރުގެ ކުޑަ ފިރިހެން ކުއްޖަކަށް ޖިންސީ އަނިޔާކުރި ބިދޭސީއަކު ހައްޔަރުކޮށްފިއެވެ.
ފުލުހުން ބުނެފައިވަނީ ދެކުނުގެ އަތޮޅުތަކުގެ ތެރެއިން، ގއ، ގދ، ސ އަދި ޏ ހިމެނޭ ސަރަހައްދުން ރަށެއްގައި ކުޑަ ފިރިހެން ކުއްޖަކަށް ޖިންސީ އަނިޔާކުރި މައްސަލައެއް މިދިޔަ އަންގާރަ ދުވަހު ރިޕޯޓްކޮށްފައިވާކަމަށެވެ.
އަދި މި މައްސަލައާއި ގުޅިގެން 26 އަހަރުގެ ބިދޭސީ ފިރިހެނަކު އިއްޔެ ހައްޔަރުކޮށްފައިވާ ކަމަށް ފުލުހުން ބުންޏެވެ.
މި މައްސަލަ ފުލުހުން އިތުރަށް ތަހުޤީގު ކުރަމުން އަންނަ އިރު، ކުޑަކުދިންނާ ގުޅޭ މައްސަލައަކަށްވާތީ ކުއްޖާ ރައްކާތެރިކުރުމުގެ ގޮތުން މި މައްސަލައިގެ އިތުރު އެއްވެސް ތަފުސީލެއް ފުލުހުން ހިއްސާކޮށްފައެއް ނުވެއެވެ.
ކުޑަކުދިންނަށް ޖިންސީ އަނިޔާކުރުމާއި ބުލީކުރުމުގެ އިތުރުން ގްރޫމް ކުރުމުގެ މައްސަލަތަކަކީ މިފަހަކަށް އައިސް ވަރަށް އާންމު މައްސަލަތަކެކެވެ.
އެގޮތުން މި ފާއިތުވި ހަފްތާގައިވެސް ވަނީ އަތޮޅުތެރޭ ރަށެއްގެ ސްކޫލު ޓީޗަރަކު އެ ސްކޫލުގެ ދަރިވަރުންތަކެއްގެ އުމުރާއި ނުގުޅޭ ވާހަކަދެއްކުމާއި ގްރޫމް ކުރުމުގެ މައްސަލައެއްގައި އެ ޓީޗަރު ހައްޔަރުކޮށްފައެވެ.
