އަސްލާއި ޚިލާފު ވަގު ލިޔުންތަކެއް ތައްޔާރުކުރި މައްސަލައެއްގެ ތުހުމަތުގައި ޒުވާނަކު ހޯދުމަށް އިއުލާނުކޮށްފިއެވެ.
ހުޅުމާލެ ފޭސް 1 ޕޮލިސް ސްޓޭޝަނުން ތަހުގީގު ކުރަމުންދާ، އަސްލާ ޚިލާފު ލިޔުމެއް ތައްޔާރުކޮށްފައިވާ މައްސަލައެއްގެ ތަހުޤީގަށް ހޯދަމުން އަންނަނީ ބ. ތުޅާދޫ، އަނޯނާގެ، އުމުރުން 23 އަހަރުގެ ނާޝިޠު އިބްރާހީމެވެ.
ފުލުހުން ބުނެފައިވަނީ، އޭނާއަކީ މި މައްސަލައިގެ ތަހުޤީގަށް ހާޒިރުކުރުމަށް ބޭނުންވެ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާ މީހެއްކަމަށެވެ.
އެގޮތުން ފުލުހުންގެ ޖިނާއީ މައްސަލަތައް ތަހުޤީގުކުރުމުގެ އިޖުރާއަތުގެ 27 ވަނަ މާއްދާގައިވާ ގޮތުގެމަތިން ތަހުޤީގަށް ހާޒިރުވުމަށް ފުލުހުން ވަނީ އިއުލާނުކޮށްފައެވެ.
އެގޮތުން ފުލުހުން ވަނީ މި ފެށޭ ނޮވެމްބަރު މަހުގެ ހަތަރުވަނަ ދުވަހުގެ 10:00ށް ހުޅުމާލެ ފޭސް 1 ޕޮލިސް ސްޓޭޝަނަށް ހާޒިރުވުމަށް ެ ނާޝިޠު އިބްރާހީމަށް އަންގައިފައެވެ.
ފުލުހުން ބަލަމުން އަންނަ މައްސަލަ ތަކުގެ ތަޙުޤީގަށާއި ކޯޓުތަކުގެ ޝަރީޢަތްތަކަށް މިގޮތަށް ހާޒިރުނުކުރެވޭ މީހުން ހޯދުމަށް ދޭތެރެ ދޭތެރެއިން ފުލުހުން އިއުލާނު ކުރެއެެވެ.
