ފެނަކައިން ކަރަންޓުގެ ޅިދުމަތް ދޭ ހުރިހާ ތަނެއްގައި އާތު ލީކް ސާކެޓް ބްރޭކާ (އީ.އެލް.ސީ.ބީ) ހަރުކޮށްފައި ހުރިކަން ކަށަވަރު ކުރުމަށް ސާވޭއެއް ކުރަން ނިންމައިފިއެވެ.
އެކުންފުނިން މިއަދު އާއްމުކޮށްފައިވާ ނޫސް ބަޔާނެއްގައި ބުނީ، މިސާވޭ ކުރިއަށް ގެންދެވޭނީ އާއްމުން ދިރިއުޅޭ ގޭބިސީތަކާއި، އޮފީސްތަކާއި ވިޔަފާރި ކުރާ ތަންތަނާއި އާއްމު ސަރަހައްދުތައް ހިމެނޭ ގޮތަށެވެ.
ފެނަކައިން ހާމަކޮށްފައިވާ ގޮތުގައި އީ.އެލް.ސީ.ބީ ހަރުކޮށްފައި ހުރުމަކީ ކަރަންޓު ބޭނުންކުރުމުގެ ސަލާމަތީ މިންގަނޑުގައި އަސާސީ ގޮތުން ފުރިހަމަވާނެ ޖެހޭ، ޔުޓިލިޓީ ރެގިއުލޭޓަރީ އޮތޯރިޓީގެ ގަވައިދުތަކުން ލާޒިމްކުރާ ކަމެކެވެ.
އެހެންކަމުން އޮކްޓޫބަރު މަހުގެ މީޓަރު ރީޑިން ނެގުމަށް ފެނަކައިގެ ފަންނީ މުވައްޒަފުން ޒިޔާރަތް ކުރާއިރު އީ.އެލް.ސީ.ބީ ހަރުކޮށްފައި ހުރިކަން ޔަޤީން ކުރުމަށް ޗެކްކުރާނެ ކަމަށް އެކުންފުނިން އާއްމުކޮށްފައިވާ ނޫސް ބަޔާނުގައި ބުނެފައިވެއެވެ.
ފެނަކައިން ވަނީ މިމަސައްކަތަށް ހުރިހާ އެންމެންވެސް އެކުންފުންޏަށް އެއްބާރުލުން ދިނުމަށް އެދިފައެވެ.
