ކުރީގެ ޕްރޮސެކިއުޓަ ޖެނެރަލްގެ މަޤާމުގައި ހުންނެވި ހުސައިން ޝަމީމް ޓުއަރިޒަމް ދާއިރާގައި މަސައްކަތް ކުރައްވަން ފައްޓަވައިފިއެވެ.
ޕީޖީގެ މަގާމުގައި ޝަމީމް އިސްތިއުފާ ދެއްވާފައި ވަނީ ހުސްވި އޮގަސްޓް މަހުގެ 20 ވަނަ ދުވަހުގެ ރޭގަނޑުއެވެ.
އޭނާ އެމަގާމުން އިސްތިއުފާ ދެއްވާފައި ވަނީ، އޭނަގެ މައްޗަށް އިތުބާރު ނެތްކަމުގެ ވޯޓެއް ނަގަން ރައްޔިތުންގެ މަޖިލީހުން ފާސްކުރަން ތައްޔާރުވެފައި ވަނިކޮށެވެ.
ޝަމީމް ވަނީ މިހާރު ޤާނޫނީ ދާއިރާއިން އެކަހެރިވެ، ޓުއަރިޒަމް ދާއިރާ އާއި ގުޅިފައެވެ. އެގޮތުން މިހާރު ޝަމީމް މަސައްކަތް ކުރަމުން އަންނަނީ ގެސްޓްހައުސް ވިޔަފާރި ހިންގަމުން އަންނަ މަޝްހޫރު ކުންފުންޏެއް ކަމަށްވާ ކާނި ހޮޓެލްސް ގްރޫޕްގެ އޮޕަރޭޝަންސް މެނޭޖަރަށެވެ.
މިކަމާއި ގުޅޭ ގޮތުން ޝަމީމް ވިދާޅުވީ ޤާނޫނީ ދާއިރާގައި 20 އަހަރު ވަންދެން މަސައްކަތް ކުރެއްވުމަށް ފަހު، ފަހު ޓޫރިޒަމް ދާއިރާއާ ގުޅިވަޑައިގަތީ ޤާނޫނީ ދާއިރާގައި ދެން ކުރައްވާނެ އިތުރު އާ ކަމެއް ނެތުމުން ކަމަށެވެ.
