67 ސިނގިރޭޓް ކާޓަން ވަގަށް ނަގައިގެން ދިޔަ މީހަކު ރޭ މާލެއިން ހައްޔަރު ކޮށްފިއެވެ.
ފުލުހުން ބުނީ، އިއްޔެ 5:40 ހާއިރު އޮލިމްޕަސް ކައިރިން ދިޔަ މީހަކާމެދު ޝައްކުކުރެވިގެން އެ ސަރަހައްދު ޕެޓްރޯލް ކުރަން ތިބި ފުލުހުން އޭނާ ހިފަހަށްޓައި ބަލައި ފާސްކޮށްފައިވާކަމެވެ.
އެގޮތުން އޭނާ ގެންގުޅުން ދަބަސް ބަލައި ފާސްކުރި އިރު އޭގެ ތެރެއިން 67 ކާޓަން ސިނގިރޭޓް ފެނިފައިވާކަމަށް ފުލުހުންބުނެއެވެ.
އަދި ފުލުހުން އިތުރަށް ބެލި ބެލުމުންމި ތަކެއްޗަކީ އޭނާ އޯޝެން ނީޓިކަލްސް ޕްރައިވެޓް ލިމިޓެޑުން ވަގަށް ނަގާފައިވާ ތަކެތި ކަން އެނގިފައި ވާކަމަށްވެސް ފުލުހުން ބުނެފައިވެއެވެ.
މި މައްސަލައިގައި ފުލުހުން ހައްޔަރުކޮށްފައިވަނީ،. ފޭދޫ ހިރުނދުމާގޭ، އުމުރުން 24 އަހަރުގެ އަޙްމަދު ލުޖައިންއެވެ.
ފުލުހުން އިތުރަށް ބުނެފައިވަނީ އޭނާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން އޭނާގެ ބަންދަށް 5 ދުވަސް ކޯޓުން ޖަހައިފައިވާކަމަށެވެ.
ފުލުހުން އަންނަނީ މި މައްސަލަ އިތުރަށް ތަޙުޤީގު ކުރަމުންނެވެ.
