މަޖީދީ މަގުގައި ހުންނަ “ޒިއޯން މޯބައިލްސް 4” ގެ ބިއްލޫރިގަނޑު ރޭ ތަޅާލައި އެ ފިހާރައިން ވައްކަންކޮށްފިއެވެ.
ފުލުހުން ބުނީ މިކަން ހިނގި ކަމުގެ ރިޕޯޓް މިއަދު ފަތިހު 5:35 ހާއިރު ލިބިފައިވާ ކަމަށެވެ.
މި މައްސަލައާއި ގުޅިގެން މީހަކު އަދި ހައްޔަރުކޮށްފައި ނުވާ ކަމަށާއި މި މައްސަލަ ފުލުހުން އިތުރަށް ތަހުޤީގު ކުރަމުން އަންނަ ކަމުގައި ފުލުހުން ބުނެފައިވެއެވެ.
މި ފަހަކަށް އައިސް މާލެ ސަރަހައްދުގައި ވައްކަމާއި ފޭރުން ވަރަށް ބޮޑަށް އާންމުވެފައި ވާއިރު، ފުލުހުންގެ އިދާރާއަށް މިދިޔަ މަހު އެންމެ ގިނައިންވެސް ހުށަހެޅިފައިވަނީ އެކްސިޑެންޓާއި ވައްކަމުގެ މައްސަލަތައް ކަމުގައި ފުލުހުން ބުނެއެެވެ.
