ގެދޮރުވެރިޔާ ސްކީމާއި ގުޅިގެން އެޗްޑީސީގެ ނަމުގައި ސްކޭމް މެސެޖްތަކެއް ދައުރުވާތީ ސަމާލުވުމަށް ފުލުހުން އެދިއްޖެއެވެ.
އެގޮތުން ފުލުހުން ބުނީ، ގެދޮރުވެރިޔާ ސަކީމަށް ކުރިން ހުށަހެޅި ފޯމްތައް ބާތިލްކޮށް، އަލުން ފޯމް ހުށަހެޅުމުގެ ފުރުސަތު އެޗްޑީސީން ހުޅުވާލައިފިކަމަށް ބުނެ ދައުރުވާ މެސެޖަކީ ސައްހަނޫން މެސެޖެއް ކަމަށާއި އެ މެސެޖާއި އެއްހީރަސްކޮށްފައިވާ ލިންކަން ނުފިތުމަށެވެ.
https://x.com/PoliceMv/status/1853668770973106535
ފާހަގަކޮށްލެވޭ ގޮތުގައި އެފަދަ ސްކޭމް މެސެޖްތަކާއެކު އަންނަ ލިންކްތަކަށް ފިތުމުން ފޯނުގައިވާ ހުރިހާ އެޕްލިކޭޝަންތައް ހެކް ވެއެވެ. މިގޮތަށް ހެކް ކޮށްގެން މީސް މީހުންގެ މީސްމީޑިޔާ އެކައުންޓްތައް ބޭނުންކޮށްގެންނާއި އެފަދަ އެހެނިގެން ގޮތް ގޮތުން ފައިސާ ހޯދަމުން އަންނަކަން ފާހަގަކޮށްލެވެއެވެ.
މަކަރާއި ހީލަތުން މިފަދަ ސްކޭމްތަކުގައި މީހުންގެ އަތުން ގިނަ އަދަދަކަށް ފައިސާ ފޭރެމުން އަންނަ މައްސަލަތައް ބޮޑުވެ، ފަދަ މައްސަލަތައް ހުއްޓުވައި ތަޙުޤީޤު ކުރުމަށް ޚާއްސަ ސްކޭމްއާ ގުޅޭ ފުލުހުންގެ ސެންޓަރެއް ޤާއިމްކުރުމަށް ވަނީ ނިންމާފައެވެ.
