ފުލުހުން ބަލަމުންދާ މައްސަލައެެއްގެ ތަހުޤީގަށް މީހަކު ހޯދުމަށް އިއުލާންކޮށްފިއެވެ.
ފުލުހުން މިއަދު އިއުލާނުކޮށްފައިވަަނީ، ތ.ގާދިއްފުށި / މިރިޔާސްގެ، އުމުރުން 28 އަހަރުގެ ޙަސަން ޝަކީބު ހޯދުމަށެވެ.
ޝަކީބު ހޯދަމުން އަންނަނީ ކޮން މައްސަލައެއްގެ ތަހްޤީގަށް ކަމަށް ފުލުހުން ހާމަކޮށްފައި ނުވިނަމަވެސް ފުލުހުންގެ އިއުލާނުގައި ބުނެފައިވަނީ، އޭނާ ހޯދުމުގެ މަސައްކަތް ފުލުހުން ކުރަމުން އަންނަނީ ހުޅުމާލެ ފޭސް 2 ޕޮލިސް ސްޓޭޝަނުން ތަހުޤީގު ކުރަމުން އަންނަ މައްސަލައަކާއި ގުޅިގެންކަމަށެވެ.
އެގޮތުން ފުލުހުން ވަނީ، ފުލުހުން ވަނީ އޭނާ އާއި ގުޅޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ ހުޅުމާލެ ފޭސް 2 ޕޮލިސް ސްޓޭޝަންގެ ނަމްބަރު 9393351 އަށް ގުޅުއްވުމަށް އެދިފައެވެ.
އެކި އެކި މައްސަލަތަކުގެ ތަހުޤީގަށާއި މައްސަލަ ތަކުގެ ޝަރީޢަތްތަކަށް އެކި ސަބަބުތަކާއި ހުރެ ހާޒިރު ނުކުރެވޭ މީހުން ހޯދުމަށް ފުލުހުން ދޭތެރެ ދޭތެރެއިން އިއުލާނުކުރާކަން ފާހަގަ ކުރެވެއެވެ.
