އެމެރިކާގެ ރިޔާސީ އިންތިޚާބުގައި ވާދަކުރާ އެ ޤައުމުގެ ކުރީގެވެސް ރައީސްކަން ކުރި ޑޮނަލްޑް ޓްރަމްޕް ދެވަނަ ދައުރަކަށް، އެ ޤައުމުގެ 47 ވަނަ ރައީސްކަމުގެ އިންތިޚާބު ކާމިޔާބު ވާނެކަން މިހާތަނަށް ދައްކާ ނަތީޖާތަކުން ކަށަވަރުވެއްޖެއެވެ.
މިއާއެކު ޓްރަމްޕް ވެގެން މިދިޔައީ އިންތީޚާބެއްގައި ނާކާމިޔާބުވެގެން ވެރިކަން ގެއްލުމަށްފަހު އެނބުރި އިންތިޚާބެއް ކާމިޔާބުކޮށް އެ ޤައުމުގެ ރައީސްކަމަށް އިންތިޚާބުވީ ދެވަނަ ރައީސަށެވެ.
އެންމެ ފުރަތަމަ އެފަދަ ކާމިޔާބީއެއް ހޯދީ، 1800 ވަނަ އަހަރު އެ ޤައުމުގެ ރައީސްކަމަށް އިންތިޚާބުވީ، ގްރޫވާ ކެލެވެން ލޭންޑެވެ.
އެމެރިކާގެ ރިޔާސީ އިންތިޚާބުގައި އިއްޔެގެ ނިޔަލަށް ވޯޓުލުން ނިމިފައިވާއިރު މި އިންތިޚާބުގައި އެންމެ ކުރީގައި ވާދަކުރަނީ، އެ ޤައުމުގެ ކުރީގެ ރައީސްކަން ކުރި ރިޕަބްލިކަން ޕާޓީގެ ކެންޑިޑޭޓް ޑޮނާލޑް ޓްރަމްޕުގެ އިތުރުން އެ ޤައުމުގެ މިހާރުވެސް ނާއިބު، ޑިމޮކްރެކްޓްސްގެ ކެނޑިޑޭޓް ކަމަލާ ހެރިސްއެވެ.
އިންތިޚާބުގެ ކެޕްޕެއިން އޮއެވަރުތައް ހުރިގޮތުން ގިނަ ބަޔަކަށް އަދި މުޅި ދުނިޔެއަށްވެސް ހީވެފައި އޮތީ މި އިންތިޚާބުގައި ކުރި ހޯދާނީ އެ ޤައުމުގެ ނާއިބު ކަމަލާ ހެރިސްކަމަށެވެ.
އިންތިޚާބުގައި ކެންޑިޑޭޓުންނަށް ކުރި ލިބޭނީ އެ ބޭފުޅަކަށް އެންމެ ގިނައިން ވޯޓު ލިބޭ ސްޓޭޓެއްގެ ގޮތުންނެވެ.
އިންތިޚާބު ކާމިޔާބު ކުރެވޭނީ 270 އިލެކްޓޯރަލް ވޯޓް ލިބޭ ކެންޑިޑޭޓަކަށެވެ.
އިންތިޚާބުގެ ނަތީޖާތައް ދައްކާގޮތުން:
ޑިމޮކްރެކްޓްސްގެ ކެނޑިޑޭޓް ކަމަލާ: 226
ރިޕަބްލިކަން ޕާޓީގެ ކެންޑިޑޭޓް ޑޮނާލޑް ޓްރަމްޕު: 277
ބައިނަލްއަޤްވާމީ ޚަބަރުތަކުގައި ރިޕޯޓްކޮށްފައިވާގޮތުން ކުޑަ އިރުކޮޅެއްގެ ތެރޭގައި އިންތިޚާބު ކާމިޔާބުވީކަން އިއުލާނުކޮށް އެ ޤައުމުގެ ރައްޔިތުންނާއި މުޚާތަބުކޮށް ޓްރަމްޕް ތަޤުރީރުކުރުމަށް ވަނީ ހަމަޖެހިފައެވެ.
އެހެން ނަމަވެސް މިއަދު ޤައުމާއި މުޚާތަބުކޮށް ކަމަލާ ތަޤްރީރު ނުކުރާނެ ކަމަށާއި އެހެން ނަމަވެސް މާދަމާގެ ވަގުތެއްގައި އެ ޤައުމުގެ ރައްޔިތުންނާއި މުޚާތަބުކޮށް ކަމަލާވެސް ތަޤްރީރެއް ދިނުމަށް ހަމަޖެހިފައިވާކަމަށް އޭނާގެ ކެމްޕެއިން ޓީމާއި ޙަވާލާދީ ބައނަލްއަޤްވާމީ ނޫހެއް ކަމަށްވާ ފޮކްސް ނިއުސްގައި ރިޕޯޓްކޮށްފައި ވެއެވެ.
