ރަށްރަށުގެ މަގުތަކުގައި އުޅޭ ބުޅާތަކުގެ ހާލަތު ދެނެގަތުމަށް އެސެސްމެންޓެއް ހެދުމަށް ނިންމައިފިއެވެ.
މިކަން ހާމަކޮށް ދަނޑުވެރިކަމާއި ދިރޭތަކެއްޗާ ބެހޭ ވަޒީރު ޑރ. އައިޝަތު ރަމީލާ ވިދާޅުވީ، މި ސަރުކާރުގެ “ހަފްތާ 14” ގެ ވައުދުތަކުގެ ތެރެއިން ހުޅުމާލޭގައި ޤާއިމްކުރި “އޮޅު ހިޔާ” ގެ ޚިދުމަތް އަތޮޅުތެރެއަށް ފުޅާކުރަން ޖެހޭ ކަމުގައެވެ.
އެގޮތުން ރަށްރަށުގެ މަގުތަކުގައި އުޅޭ ބުޅާތަކާއި ގުޅިގެން އެކި މައްސަލަތައްް އެ ވުޒާރާއަށް ލިބެމުން އަންނަކަން ފާހަގަ ކުރައްވައި މިނިސްޓަރު ވިދާޅުވީ، އެ ބުޅާ ތަކުގެ ހާލަތު ދެނެގަތުމަށް މޮބައިލް ޓީމުތަކެއް އެކުލަވައިލުމަށް ނިންމާފައިވާކަމަށެވެ.
އެގޮތުން މިނިސްޓަރު ވިދާޅުވީ، އެ މިނިސްޓްރީގެ ވެޓެނަރީ ޑޮކްޓަރުންނާއި ޓީމްތަކުގައި ހިމެނޭ ބޭފުޅުން އެންމެ ފުރަތަމަ ޒިޔާރަތް ކުރާނީ އެ ފަދައިން އެންމެ ގިނަ މައްސަލަތައް ހުށަހެޅޭ ސަރަހައްދުތަކަށް ކަމަށެވެ.
އެތަންތަނުގައި އުޅޭ ބުޅާތަކުގެ އެސެސްމެންޓެއް ހެދުމާއި، އަދި ނިއުޓާ ކުރަން ޖެހޭ ނަމަ، ނިއުޓާ ކުރުމާއި، މިކަހަަލަ ކަންތައްތައް އެތަނަކަށް ގޮސްފައި ކުރާ ގޮތަކަށް މި ދަނީ – މިނިސްޓަރު
މީގެ އިތުރުން އޮޅު ހިޔާގެ ޚިދުމަތް ދިނުމަށްޓަކައި އެ ފެސިލިޓީ ކޮންމެ ރަށެއްގައި ޤާއިމްކުރުމަކީ ވާނެ ކަމެއް ނޫން ނަމަވެސް އެ މިނިސްޓްރީގެ އަމާޒަކީ، އެ މިނިސްޓްރީގެ މޮބައިލް ޓީމު މެދުވެރިކޮށް އެ ޚިދުމަތް ރާއްޖޭގެ ހުރިހާ ހިސާބަކަށް ވެސް ފޯރުކޮށްދިނުން ކަމަށެވެ.
