ފުލުހުން ބަލަމުންދާ މައްސަލައެއްގެ ތަހުޤީޤަށް މީހަކު ހޯދުމަށް އިއުލާންކޮށްފިއެވެ.
އެ މައްސަލައާއި ގުޅޭ އިތުރު ތަފްޞީލެއް ހާމަނުކޮށް ފުލުހުން ހަމަކޮށްފައިވަނީ، ކ މާލެ، ދާރުލްގަލާމް އުމުރުން 36 އަހަރުގެ އިސްމާއީލް ރަޝީދު ޝާވިން ހޯދަމުން އަންނަނީ ފުލުހުން ތަހުޤީޤުކުރަމުން އަންނަ މައްސަލައެއްގެ ތަހުޤީޤަށް ހާޒިރުކުރުމަށް ބޭނުންވެ އުޅޭ ވަކިތަނެއް ނޭނގުމުގެ ސަބަބުން ޗިޓު ރައްދު ކުރެވިފައި ނުވާތީކަމަށެވެ.
މީގެ އިތުރުން ފުލުހުން ބުނެފައިވަނީ، އިސްމާއީލް ރަޝީދު ޝާވިންއާއި ގުޅިގެން ބަލަމުން އަންނަ މައްސަލައަކީ، ހުޅުމާލެ ފޭސް 1 ޕޮލިސް ސްޓޭޝަނުން ތަހުޤީޤު ކުރަމުންދާ މައްސަލައަކާއި ގުޅިގެން ސުވާލުކުރުމަށެވެ.
ފުލުހުން ހާމަކޮށްފައިވާ ގޮތުގައި އޭނާ ހާޒިރުވާން ޖެހޭނީ މި މަހުގެ 17 ވަނަ ދުވަހު ހުޅުމާލެ ފޭސް 1 ޕޮލިސް ސްޓޭޝަން ހެނދުނު 10:00 އަކަށް ކަމަށެވެ. ނުވަތަ ވީ އެންމެ އަވަހަކަށް ކަމަށެވެ.
ފުލުހުން ތަހުޤީޤުކުރާ މައްސަލަތަކާއި ޝަރީޢަތްތަކަށް އެކި ސަބަބުތަކާއި ހުރެ ހާޒިރު ނުކުރެވޭ މީހުން ހޯދުމަށް ދޭތެރެ ދޭތެރެއިން ފުލުހުން އިއުލާނުކުރެއެވެ.
