ކަނޑުމަގުން ރާއްޖެ އެތެރެކުރަން އުޅުން 3.3 ކިލޯގެ މަސްތުވާތަކެތި ކަސްޓަމްސްއިން އަތުލައިގެންފިއެވެ.
އެ އިދާރާއުބް ހާމަކުރި ގޮތުގައި މި ތަކެތި އަތުލައިގަތީ މިމަހުގެ 10 ވަނަ ދުވަހު މާލޭ ކޮމާޝަން ހާބަރުންނެވެ. އެގޮތުން އަތުލައިގެން މަސްތުވާތަކެތީގެ ތެރޭގައި ހިމެނެނީ، 2282 ގްރާމު ކެނަބިހާއި 1038 ގްރާމު ކެތިނޯން ކަމަށް ކަސްޓަމްސްއިން ބުނެއެވެ.
ޖުމުލަ ބަރުދަނުގައި 3.3 ކިލޯ ހުރި މިތަކެތި އަތުލައިގެންފައިވަނީ ކޮން ބައެއްގެ އަތުންކަމެއް ކަސްޓަމްސްއިން ހާމަކޮށްފައެއް ނުވެއެވެ.
މިދިޔަ މަހުގެ 31 ވަނަ ދުވަހު ވެސް ކަސްޓަމްސްއިން ވަނީ ކަނޑުމަގުން ރާއްޖެ އެތެރެ ކުރަން އުޅުނު 5.9 ކިލޯގެ މަސްތުވާތަކެތި އަތުލައިގެންފައެވެ. އޭގެތެރޭގައި ވެސް ހިމެނެނީ މަސްތުވާތަކެތީގެ ބާވަތެއްކަމަށްވާ ކެނެބިސް އަދި ކެތިނޯންއެވެ.
މީގެ އިތުރުން މިދިޔަ މަހުގެ 21ވަނަ ދުވަހު ފުލުހުން ވަނީ ފަޅުރަށެއްގައި ފޮރުވައިފައި ހުރި 163 ގްރާމް މަސްތުވާތަކެތިވެސް ހޯދާފައެވެ.
