އިތުބާރު ކުރެވޭ މަޤާމެއްގައި ހުރެ ކުޑަ ދެ އަންހެންކުދިންނަށް ޖިންސީ ގޯނާ ކުރި މައްސަލައެއްގައި ދެކުނުގެ ރަށަކުން މީހަކު ހައްޔަރުކޮށްފިއެވެ.
ފުލުހުން ހާމަކޮށްފައިވާ ގޮތުގައި ސައުތު ޕޮލިސް (ގއ، ގދ، ޏ، ސ)ގެ ސަރަހައްދުގެ ތެރޭގައި ހިމެނޭ ރަށެއްގައި އުމުރުން 11 އަހަރުގެ އަންހެން ކުއްޖަކާއި 7 އަހަރުގެ އަންހެން ކުއްޖަކަށް އިތުބާރު ކުރެވޭ މަގާމެއްގައި ހުރެ ޖިންސީ ގޯނާ ކުރި ކަމަށް ތުހުމަތުކުރެވޭ މައްސަލައެއް މި މަހުގެ ހަތަރުވަނަ ދުވަހު ވަނީ ހުށަހަޅައިފައެވެ.
އަދި އެ މައްސަލައާއި ގުޅިގެން ކޯޓު އަމުރެއްގެ ދަށުން އުމުރުން 56 އަހަރުގެ މީހެއް ރޭ ހައްޔަރުކޮށްފައިވާކަމަށް ފުލުހުން ބުނެފައިވެއެވެ.
އެހެން ނަމަވެސް ކުޑަކުދިންނާއި ގުޅޭ މައްސަލައައަކަށް ވުމާއެކު މި މައްސަލައިގައި ހައްޔަރުކުރި މީހާގެ ވަނަވަރު ފުލުހުން ހާމަކޮށްފައެއް ނުވެއެވެ.
ދާދިފަހުން ފުލުހުން ހާމަކުރި ތަފާސްހިސާބުތައް ދަައްކާ ގޮތުން މި އަހަރުގެ މިހާތަނަށް ފުލުހުންނަށް ވަނީ ޖިންސީ ކުށުގެ 280 މައްސަލައެއް ހުށަހަޅައިފައެވެ.
