ފުލުހުން ތަޙުޤީގުކުރަމުން އަންނަ މަސްތުވާތަކެތީގެ މައްސަލައަކާއި ގުޅިގެން ދެމީހަކު ހޯދުމަށް އިއުލާނުކޮށްފިއެވެ.
މި މައްސަލައާ ގުޅިގެން ހޯދަން އިއުލާނުކޮށްފައި ވަނީ ކ.ކާށިދޫ, ފަޒާ އުމުރުން 27 އަހަރުގެ މާއިސް މުހައްމަދުގެ އިތުރުން އދ. ކުނބުރުދޫ/މާބަގީޗާގެ އުމުރުން 24 އަހަރުގެ އާއިޝަތު ނުހާއެވެ.
ފުލުހުން ބުނީ، މި ދެމީހުން ހޯދަމުން އަންނަނީ، ފުލުހުންގެ ޑްރަގް އެންފޯސްމަންޓުން ތަޙުޤީގުކުރަމުން އަންނަ މައްސަލައެއްގެ ތަޙުޤީގަށް ހާޒިރުކުރުމަށް ބޭނުންވެ އުޅޭ ވަކި ތަނެއް ނޭނގުމުގެ ސަބަބުން ޗިޓު ރައްދުކުރެވިފައި ނުވުމުން ކަމަށެވެ.
އެގޮތުން ފުލުހުން އަމަލުކުރަމުން އަންނަ ޖިނާއީ މައްސަލަތައް ތަޙުޤީގު ކުރުމުގެ ޤަވާއިދުގެ 27 ވަނަ މާއްދާގައިވާ ގޮތުގެމަތިން ތަޙުޤީގަށް ހާޒިރުވުމަށް އަންގައި ފުލުހުން ވަނީ އެ ދެމީހުން ހޯދުމަށް އިއުލާނުކޮށްފައެވެ.
އެހެންކަމުން އެ ދެ މީހުން ސާޖަންޓް އާދަމް ޙަލީމް ކްރިމިނަލް އިންވެސްޓިގޭޝަން ބިލްޑިން އަށް މި މަހުގެ 20 ވަނަ ދުވަހުގެ 10:00 އަށް ނުވަތަ ވީ އެންމެ އަވަހަކަށް ހާޒިރުވުމަށް އަންގާ ކަމަށް ފުލުހުންގެ އިއުލާނުގައި ބުނެފައިވެއެވެ.
