ސިނަމާލެ ބްރިޖް، އެއަރޕޯޓް ލައިޓް ކައިރިން ދުއްވާފައި އައި ސައިކަލެއް ކޮންޓްރޯލުން ނެއްޓިގޮސް އެތާ ކައިރީ ހުރި ފެންސުގައި ޖެހި ހިނގި އެކްސިޑެންޓެއްގައި މީހަކަށް އަނިޔާވެއްޖެއެވެ.
ފުލުހުން ބުނީ، މި އެކްސިޑެންޓް ހިނގި ކަމުގެ މައުލޫމާތު ރޭ ފަތިހު 5:25 ހާއިރު ލިބިފައިވާ ކަމަށާއި މި ހާދިސާގައި ސައިކަލު ދުއްވަން އިން މީހާއަށް އަނިޔާވެ އައިޖީއެމްއެޗްގައި ފަރުވާ ދެމުން އަންނަ ކަމަށެވެ.
އަދި އެއީ 53 އަހަރުގެ ދިވެހި ފިރިހެނެއްކަން ހާމަކޮށް ފުލުހުން ބުނެފައިވަނީ، އެ މިހާގެ ހާލު ސީރިއަސް ކަމަށް އައިޖީއެމްއެޗުން ބުނެފައިވާ ކަމަށެވެ.
ފުލުހުން އަންނަނީ މިކަމާއި ގުޅިގެން ބަލަންޖެހޭ ކަންކަން ބަލަމުންނެވެ.
