އޭޑީކޭގެ ރަސްމީ އެސްއެމްއެސް ހޭންޑް މެދުވެރިކޮށް ސްކޭމް މެސެޖްތަކެއް ދައުރުވަމުން އަންނާތީ އެކަމަށް ސަމާލުވުމަށް އެ ހޮސްޕިޓަލުން އިލްތިމާސްކޮށްފިއެވެ.
އޭޑީކޭއިން ބުނީ، އެ ހޮސްޕިޓަލުގެ ރަސްމީ އެސްއެމްއެސް ހޭންޑަލުން ސްކޭމް މެސެޖުތަކެއް ފޮނުވަމުން އަންނަކަން ފާހަގަކުރެވިފައިވާ ކަމަށާއި އެ އެސްއެމްއެސްގައިވާ ލިންކަށް އެއްވެސް ފަރާތަކުން ނުފިތުމަށެވެ.
އެގޮތުން އެކަން ހައްލުކުރުމަށް މިހާރު އެ ހޮސްޕިޓަލުގެ ފަރާތުން މަސައްކަތް ކުރަމުން އަންނަކަން ފާހަގަކޮށް އެ ހޮސްޕިޓަލުން ބުނެފައިވަނިީ، އޭޑީކޭގެ ނަމުގައި އަންނަ އެއްވެސް މެސެޖެއްގެ ސައްޙަކަން ކަށަވަރުކޮށްފައި މެނުވީ ކުރިއަށް ނުދިއުމަށެވެ.
ރާއްޖޭގައި ހިންގަމުން އަންނަ ސްކޭމްތައް ފުޅާވެ ކޯލް ތަކުންނާއި ލިންކްތަކުން ގިނަ އަދަދެއް މީހުންގެ އަތުން ފައިސާ ފޭރެމުން އަންނަ އިރު މިކަން ޙައްލުކުރުމަށް މިހާތަނަށް އެދެވޭ ފިޔަަވަޅެއް އެޅިފައި ނުވާކަން ފާހަގަކޮށްލެވެއެވެ.
އެގޮތުން މި ހަފްތާ ތެރޭގައިވެސް ވަނީ ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރ ޤާސިމް އިބްރާހިމްގެ ނަމުގައި ސްކޭމް ވީޑިއޯ ތަކެއްވެސް ދައުރުވެފައެވެ.
