އަންހެނެއްގެ ފޭސްބުކް އެކައުންޓް ހެކްކޮށްގެން ފައިސާ ހޯދި މައްސަލައެއް ފުލުހުން ބަލަން ފަށައިފިއެވެ.
މިއަދު ފުލުހުން ބުނީ އަންހެނެއްގެ ފޭސްބުކް ހެކްކޮށްގެން އެ އަންހެން މީހާގެ ނަމުގައި މީހުން އަތުން ފައިސާ ހޯދަމުން އަންނަ މައްސަލައެއް މިމަހުގެ 27 ވަނަ ދުވަހު ހުށަހަޅައިފައިވާކަމަށެވެ.
މި މައްސަލައާއި ގުޅިގެން އިތުރު ތަފްސީލެއް ފުލުހުން ހާމަކޮށްފައި ނުވާއިރު، މީސް މީޑިޔާގައި ދައުރުވަމުން އަންނަ ޕޯސްޓެއްގައި ބުނެފައިވަނީ އަންހެނެއްގެ ފޭސްބުކް އެކައުންޓް ހެކްކޮށްލައިގެން އޭނާގެ ނަމުގައި އެހެން މީހުންގެ އަތުން ފައިސާ ހޯދަމުން އަންނަނީ ފުލުހެއް ކަމަށެވެ.
އެހެން ނަމަވެސް މިކަމާއި ގުޅިގެން ފުލުހުންގެ ބަހެއް ލިބިފައެއް ނުވެއެވެ.
ފުލުހުން ބުނެފައިވަނީ އެ އިދާރާއިން މި މައްސަލަ އިތުރަށް ތަހުޤީގު ކުރަމުން އަންނަ ކަމަށެވެ.
