މާލޭގައި ޕާކްކޮށްފައި އޮތް ކާރެއްގައި އަލިފާން ރޯކޮށްލި މައްސަލައެއްގައި ދެމީހަކު ހައްޔަރުކޮށްފިއެވެ.
ފުލުހުން ބުނީ މި މަހުގެ 25 ވަނަ ދުވަހުގެ އިރުއޮއްސި 18:25 ހާއިރު ބުރުޒުމަގު، ސިނަމާލެ ޕާކިން ޒޯން އެކެއްގައި ޕާކް ކޮށްފައި އޮތް ކާރެއްގައި ރޯކޮށްލި މައްސަލައެއްގެ ތުހުމަތުގައި ދެ މީހުން ހައްޔަރުކޮށްފައިވާ ކަމަށެވެ.
އެގޮތުން މި މައްސަލައިގެ ތުހުމަތުގައި ކޯޓު އަމުރެއްގެ ދަށުން ހައްޔަރުކޮށްފައި ވަނީ، މާލެ މ. އަރާރަތްކުރި، އުމުރުން 35 އަހަރުގެ ހާލިދް މަހްމޫންގެ އިތުރުން އދ. މާމިގިނލި ބްލޫ ވިންޑް، އުމުރުން 31 އަހަރުގެ ހަސަން ނަސީމެވެ.
މި މައްސަލަ ފުލުހުން ގެންދަނީ އިތުރަށް ތަޙުޤީގު ކުރަމުންނެވެ.
