ރާއްޖޭގެ އެކި ހިސާބުތަކަށް މި ދުވަސްވަރު ކުރަމުންދާ ވިއްސާރައިގައި ދެކުނުގެ އަތޮޅުތަކަށް ވައި ބާރުވެ، އެ ސަރަހައްދަށް މޫސުމާއި ބެހޭ ޤައުމީ އިދާރާއިން ހުދު ސަމާލު ނެރެފިއެވެ.
ތ. އަތޮޅަށާއި ލ. އަތޮޅަށާއި ގއ. އަތޮޅަށާއި ގދ. އަތޮޅަށާއި ފުވައްމުލަ ސިޓީ އަދި އައްޑޫ ސިޓީއަށް މިއަދު ހަވީރު 5:00 އިން މިރޭ ދަންވަރު 00:30 އާއި ހަމައަށް ނެރުނު ހުދު ސަމާލުގައި ބުނެފައިވަނީ، މި ވަގުތު ތަކުގައި ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައި ޖެހުން އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ލަފާކުރެވޭ ކަމަށެވެެ.
މިދުވަސްވަރަކީ ރާއްޖޭގެ އެކި ހިސާބުތަކަށް މޫސުން ގޯސް ދުވަސްވަރެއްކަމުން ކޮންމެ ދުވަހަކު ވެސް މޫސުމާއި ބެހޭ ޤައުމީ އިދާރާއިން އަންނަނީ އެކި ސަރަހައްދުތަކަށް ސަމާލު ނެރެމުންނެވެ.
