އިއްޔެ މެންދުރު ހުޅުމާލެއިން ހުޅުލެއަށް އައުމަށް އޮންނަ ހައިވޭގައި ނުރައްކާތެރި އެކްސިޑެންޓެއް ހިނގައި ދެމީހަކަށް އަނިޔާވެއްޖެއެވެ.
ފުލުހުން ބުނީ މިއެކްސިޑެންޓް ހިނގައިފައި ވަނީ، ހައިވޭއިން ބާރު ސްޕީޑްގައި ޤަވާއިދާ ޚިލާފަށް އޯވަރ ޓޭކް ކުރި ސައިކަލެއް އެހެން ސައިކަލެއްގައި ޖެހިގެން ކަމަށެވެ.
މި އެކްސިޑެންޓް ހިނގައިފައި ވަނީ އިއްޔެ މެންދުރު 14:43 ހާއިރުއެވެ.
އެގޮތުން މިއެކްސިޑެންޓްގައި އަންހެނަކާއި ފިރިހެނަކަށް އަނިޔާވެ ހުޅުމާލޭ ހޮސްޕިޓަލުގައި ފަރުވާދެމުން އަންނަ ކަމަށް ފުލުހުން ބުނެފައިވެއެވެ.
މާލެ ސަރަހައްދުގައި ހިނގާ އެކްސިޑެންޓްތައް ގިނަވެ މި ދޭތެރެއިން ޓްރެފިކް ބެލެހެއްޓުން ފުލުހުން ވަރުގަދަ ހުރިއިރު އެކްސިޑެންޓްތައް ހިނގާ މިންވަރުވެސް މަދުވިކަން ފާހަގަކޮށްލެވެއެވެ. އެހެން ނަމަވެސް އަނެއްކާވެސް މަދުމަދުން އެކްސިޑެންޓްތައް މި އަންނަނީ ގިނަވަމުންނެވެ.
