މާލޭގެ ގުލާބީ މަގުގައި ހުރި ގެޔުކުން މަރުވެފައި އޮތް މީހެއް ފެނިއްޖެއެވެ.
އެގެއިން މަރުވެފައި އޮއްވައި ފެނުނީ މއ. ހުދުއަކިރި، އުމުރުން 53 އަހަރުގެ އަބްދުﷲ ހަސަނެވެ.
ފުލުހުން ބުނީ އެގޭ ތެރޭގައި މީހަކު ޚަބަރު ހުސްވެފައި އޮއްވައި ފެނުނު ކަމުގެ ރިޕޯޓް ލިބިގެން ފުލުހުން އެ ސަރަހައްދަށް ދިޔަ ކަމަށާއި އޭނާ އައިޖީއެމްއެޗަށް ގެންދިޔަ އިރުވެސް ނިޔާވެފައި ވާކަމަށް އައިޖީއެމްއެޗާއި ޙަވާލާދީ ފުލުހުން ބުނެއެވެ.
މި މައްސަލަ ފުލުހުން އަންނަނީ ތަހުގީގުކުރަމުންނެވެ.
އިއްޔެވެސް ހުޅުމާލޭ ފުރަތަމަ ފިޔަވަހީގެ ފަޅުތެރެއިން ވެސް ވަނީ މަރުވެފައި އޮތް މީހަކު ފެނިފައެވެ. ފަޅުތެރެއިން ފެނުނީ،މ. މަޑުއްވަރީ ކޮކޮނަޓް ވިލާ އުމުރުން 36 އަަހަރުގެ އިބްރާހިމް ޖިނާހް އަލީއެވެ.
