ދެކުނުގެ ރަށެއްގައި ޓީޗަރަކު ސްކޫލު ދަރިވަރުންގެ އުމުރާއި ނުގުޅޭ ވާހަކަދައްކަވައި ގްރޫމް ކުރި މައްސަަލައިގައި ހިމެނޭ ޓީޗަރު ހައްޔަރުކޮށް ދައުވާ ކުރުމަށް ފޮނުވައިފިއެވެ.
މި މައްސަލައިގެ އަދާހަމަތައް ހިއްސާކޮށް ފުލުހުން ބުނެފައިވަނީ، މި މައްސަލައާއި ގުޅިގެން އެކަމުގައި ހިމެނޭ އުމުުރުން 29 އަހަރުގެ ދިވެހި ފިރިހެނަކު މިދިޔަ ނޮވެމްބަރު މަހުގެ 27 ވަނަ ދުވަހު ހައްޔަރުކޮށްފައިވާކަމަށެވެ.
އަދި މި މައްސަލައިގެ ތަޙުޤީގު ނޮވެންބަރު 25 ވަނަ ދުވަހު ނިންމައި އޭނާގެ މައްޗަށް ދައުވާ ކުރަން އެދި ޕްރޮސެކިއުޓާ ޖެނެރަލްގެ އޮފީހަށް ފޮނުވައިފައިވާކަމަށް ފުލުހުންވަނީ ބުނެފައެވެ.
ދެކުނު ސެންޓްރަލް ޕޮލިސް (މ، ފ، ދ، ތ، ލ) ގައި ހިމެނޭ ރަށެއްގައި ސްކޫލް ފިރިހެން ޓީޗަރެއް ދަރިވަރުންގެ އުމުރާ ނުގުޅޭ ވާހަކަ ދައްކައި މައްލަވަކުރި ކަމަށް ތުހުމަތު ކުރެވޭ މައްސަލައެއް ފުލުހުންނަށްް ރިޕޯޓްކޮށްފައިވަނީ މިދިޔަ މަހުގެ ތެރޭގައެވެ.
މީގެ އިތުރުންވެސް ކުޑަ އަންހެން ކުއްޖަކަަށް އިމާމަކު ޖިންސީ އަނިޔާ ކުރި މައްސަލައެއްވެސް ވަނީ މިދިޔަ މަހުގެ ތެރޭގައި ފެންމަތިވެފައެވެ.
