މާލޭގެ އެކި ސަރަހައްދުތަކުގައި ރޭ ތިން މާރާމާރީއެއް ހިނގައި ފުލުހުން އެ މައްސަލަތައް ތަޙުޤީގުކުރަން ފަށައިފިއެވެ.
މިކަމާއި ގުޅިގެން ފުލުހުން ބުނެފައިވަނީ އޭގެ ތެރެއިން އެއް މާރާމާރީއަކީ ސައިކަލެއްގައި އައި ހެލްމެޓް އަޅައިގެން ތިބި ބަޔަކު، މުނިޔާމަގު ދިރިޕަބްލިކް ކެފޭ ތެރެއަށް ވަދެ މާރާމާރީ ހިންގި މައްސަލައެކެވެ.
އޭގެ އިތުރުން ހަ މީހަކު ސައިކަލްގައި އައިސް, ޝަހީދުކުޑަނެވި ތުއްތުމަނިކު ހިނގުން، ކިންޒާ ކެފޭ ކުރިމަތީ ތޫނުހަތިޔާރު ބޭނުންކޮށްގެން މާރާމާރީ ހިންގާފައިވާ މައްސަލައަކާއި ފިލިގަސްމަގު ނޫރު މިސްކިތް ކައިރީގައި ބަޔަކު މީހުން މާރާމާރީ ހިންގި މައްސަލައެއް ރޭ ފުލުހުންނަސް ހުށަހަޅައިފައިވާކަމަށް ފުލުހުން ބުނެއެވެ.
މި މައްސަލަތައް ފުލުހުން ތަޙުޤީގުކުރަމުން އަންނަ އިރު މިހާތަނަށް މި މައްސަލަތަކާއ ގުޅިގެން މީހަކު ހައްޔަރުކުރިކަމެއް ނުވަތަ ނޫންކަމެއް ފުލުހުން ހާމަކޮށްފައެއް ނުވެއެވެ.
