މާލޭގައި ހުންނަ ލެޓްސް ކޮފީ މޯލްޑިވްސްއަށް ވަދެ މުވައްޒަފުންނަށް ބިރުދެއްކި ދެ މީހުން ހައްޔަރުކޮށްފިއެވެ.
މީގެ ދުވަސްތަކެއް ކުރިން މީސް މީޑިއާގައި ފެންމަތިވެ ފުލުހުންގެ ސަމާލުކަމަށް އައި މި މައްސަލައިގައި ފުލުހުން ހައްޔަރުކޮށްފައި ވަނީ، ގއ ދެއްވަދޫ ވައިލެޓްމާގެ، އުމުރުން 31 އަހަރުގެ އަހްމަދު ތަޤުފީޤް ގެ އިތުރުުން، ބ ތުޅާދޫ މީޒާން އުމުރުން 44 އަހަރުގެ އަސަދުﷲ ޚާތިމްއެވެ.
މި މަހުގެ 12 ވަނަ ދުވަހު ހިނގި މިހާދިސާއާއި ގުޅިގެން އެކްސްގައި އާންމުވި ޕޯސްޓެއްގައި އޭނާ ބުނެފައިވަނީ، އަޅުގަނޑުމެންގެ ސިޓީ އާއި އަޅުގަނޑުމެންގެ މުދާ ރައްކާތެރި ކުރުމަށް ފުލުހުންގެ އެހީ ބޭނުންވޭ، އަޅުގަނޑުމެންގެ މުދާ ވަގަށް ނެގުމުގެ ބާރެއް ގޭންގްތަަކަށް ލިބިގެން ނުވާކަމަށެވެ.
މި މީހުން ހައްޔަރުކޮށްފައި ވަނީ ޑިސެމްބަރު 16 ވަނަ ދުވަހެވެ. މި މީހުންގެ ބަންދަށް ކޯޓުން ފަސް ދުވަސް ޖެހިއިރު، މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
