މެދުރާއްޖެތެރޭގެ ރަށެއްގައި ޓީޗަރަކު ދަރިވަރުންގެ އުމުރާ ނުގުޅޭ ވާހަކަދައްކައި ކުދިންތަކެއް ގްރޫމްކުރިކަމަށް ތުހުމަތު ކުރެވޭ މައްސަލައެއްގައި ހައްޔަރުކުރި ޓީޗަރު ޝަރުތުތަކަކާއެކު ދުކޮށްލައިފިއެވެ.
ދަރިވަރުން ގްރޫމްކުރި މައްސަލައިގައި މ، ފ، ދ، ތ، ލ. އަތޮޅުގެ ރަށެއްގެ ސްކޫލެއްގައި ކިޔަވައި ދެމުން އައި ފިރިހެން ޓީޗަރަކު ހައްޔަރުކުރީ މިދިޔަ އޮކްޓޯބަރު މަހުގެ 27 ވަނަ ދުވަހުއެވެ.
އެގޮތުން އެޓީޗަރުގެ މައްޗަށް ދައުވާ ކުރުމަށް މިދިޔަ މަހުގެ 25 ވަނަ ދުވަހު ޕީޖީއަަށް ފޮނުވައިފައި ވަނިކޮށް އިއްޔެ އޭނާ ވަނީ ޝަރުތަކަކާއެކު ބަންދުން ދޫކޮށްލައިފައެވެ.
އޮކްޓޫބަރު މަހުގެ 17 ވަނަ ދުވަހު ހުށަހެޅި މި މައްސަަލައިގައި ފުލުހުން ހައްޔަރުކޮށްފައި ވަނީ އުމުރުން 29 އަހަރުގެ ދިވެހި ފިރިހެނެކެވެ.
ކުޑަކުދިންނާ ގުޅޭ މައްސަލަތަކަކީ ސީރިއަސް މައްސަލަތަކަކަށްވާތީ ކުއްޖާގެ ވަނަވަރު ރައްކާތެރި ކުރުމުގެ ގޮތުން ފުލުހުން ކުއްޖާގެ އަތޮޅާއި ރަށް ހާމައެއް ނުކުރެއެވެ.
