ކ. ގުރައިދޫ ގައި ނިޔާވެފައި އޮއްވާ ފެނުނު ތުއްތު ކުއްޖާގެ ހަށިގަނޑުގެ ޕޯސްޓްމޯޓަމް ހަދަން އިންޑިޔާއަށް ފޮނުވައިފިއެވެ.
އެންމެ ހަތަރު މަހުގެ މި ކުއްޖާ ނިޔާވެފައި އޮއްވާ ފެނުނީ، މިދިޔަ ހުކުރު ދުވަހުގެ ރޭ ދަންވަރުގެ ވަގުތެއްގައެެވެ.
އެ ކުއްޖާގެ ހަށިގަނޑު އޮޓޮޕްސީ ހެދުމަށްޓަކައި ފޮނުވަން ނިންމީ މަރުގައި ޝައްކުކުުރެވޭ ކަންތައްތަކެއް ހުރިކަމަށް ފެންނާތީ ކަމަށް ފުލުހުން ވަނީ ބުނެފައެވެ.
މައުލޫމާތު ލިބޭ ގޮތުގައި އެ ކުއްޖާ ޚަބަރު ހުސްވެފައި އޮއްވާ ފެނިގެން އެ ރޭ ދަންވަރު 12:30 ހާއިރު އެ ރަށު ސިއްހީ މަރުކަޒަށް ގެންދިޔަ އިރުވެސް އެ ކުއްޖާ ނިޔާވެފައިވާކަމަށް އެ ސެންޓަރާއި ޙަވާލާދީ އެ ރަށު ކައުންސިލް މެމްބަރު އިބްރާހިމް ޝަލީޒް ވަނީ ނޫަސްތަކަށް މައުލޫމާތު ދެއްވާފައެވެ.
އަދި ކުއްޖާގެ ނޭފަތުން ލޭ އައިސްފައި ހުރި ނަމަވެސް ބޭރުފުށުން އެއްވެސް އަނިޔާއެއް އެ ކުއްޖާއަށް ލިބިފައިވާ ތަން ފެންނަން ނެތްކަމަށް އޭނާ ފާހަގަކުރެއްވިއެވެ.
