މަހުގެ 19 ވަނަ ދުވަހު އަލިކިލެގެފާނު މަގުން ސައިކަލެއްގައި ދިޔަ އަންހެނެއްގެ ކަރުގައި އޮތް ފަށެއް ފޭރިގަތް މީހެއް ހައްޔަރުކޮށް އޭނާގެ ބަންދަށް 7 ދުވަސް ޖަހައިފިއެވެ.
މީސް މީޑިޔާގައި ދައުރުވަމުން ދާ ވީޑި މިއޯއަކުން ފެންނަ ގޮތުގައި މަގުމަތިން ސައިކަލުގައި ދިޔަ އަންހެނެއްގެ ފަހަތުން، ސައިކަލުގައި އައި ފިރިހެނަކު އަންހެން މީހާގެ ކަރުގައި އޮތް ފަށް ފޭރެއެވެ. އަދި އެ އަންހެން މީހާ މަޑުކުރުވައި އޭނާގެ އަތް ދަބަސްވެސް ފޭރެންވެސް އެ މީހާ މަސައްކަތް ކުރެއެވެ.
އެހެން ނަމަވެސް އެ އަންހެން މީހާ ވަނީ އޭނާގެ ސައިކަލު ދޫކޮށްލާފައި ގޮސްފައެވެ. އަދި އެ ފިރިހެން މީހާ ވަނީ އޭނާ ދުއްވަން އިން ސައިކަލަށް އަރައިގެން ގޮސްފައެވެ.
މި މައްސަލައިގެ ތުހުމަތުގައި ފުލުހުން ހައްޔަރުކޮށްފައި ވަނީ ފ. ފިޔަބަރިގެ އުމުުރުން 30 އަހަރުގެ ހަސަން އިސާމެވެ. އޭނާ ދުއްވި ސަައިކަލުވެސް ފުލުހުން ހިފަހައްޓާފައިވާއިރު،މި މައްސަަލައިގައި އޭނާގެ ބަންދާއި މެދު ގޮތެއް ނިންމުމަށް ކޯޓަށް ގެންދިއުމުން ކްރިމިނަލް ކޯޓުން ވަނީ އޭނާ 7 ދުވަހަށް ބަންދުކުރުމަށް ނިންމާފައެވެ.
މި މައްސަަލަ ފުލުހުން ގެންދަނީ ތަޙުޤީގު ކުރަމުންނެވެ.
