ހައުސިން ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ) ގެ ބޯޑަށް ކުރީގެ ފިނޭންސް މިނިސްޓަރު ޑރ. މުހައްމަދު ޝަފީގު އައްޔަން ކުރައްވައިފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން އެ ބޯޑުގެ ވެބްސައިޓްގައި ޝާޢިއުކޮށްފައިވާ ގޮތުން ހައުސިން ޑިވެލޮޕްމަންޓް ފައިނޭންސް ކޯޕަރޭޝަންގެ ބޯޑަށް މި މަހުގެ 2 ވަނަ ދުވަހުން ފެށިގެން ޝަފީގް ވަނީ އައްޔަން ކުރައްވައިފައެވެ.
މީގެ ކުރިން އެޗްޑީއެފްސީގެ ފައިނޭންސްގެ ހެޑްގެ މަޤާމުވެސް ފުރުއްވި ޝަފީގު ފިނޭންސް މިނިސްޓަރު ކަމުން އިސްތިއުފާ ދެއްވީ މިދިޔަ ސެޕްޓެމްބަރު 30 ގައެވެ. ޝަފީގު އިސްތިއުފާ ދެއްވުމާ ގުޅިގެން އެ މަގާމަށް އައްޔަން ކުރެއްވީ އޭރު ފޮރިން މިނިސްޓަރަކަށް ހުންނެވީ މޫސާ ޒަމީރެވެ.
