ރައްޔިތުންގެ މަޖިލީހުގެ ރައީސް މުހައްމަދު ނަޝީދު އިސްވެ ހުންނަވައި އުފެއްދި, ދަ ޑިމޮކްރެޓްސްގެ ޕާޓީގެ ޕީޖީ ގުރޫޕު އެކުަލަވާލައި, ލީޑަރަކަށް މެދު ހެންވެއިރު ދާއިރާގެ މެންބަރު އަލީ އާޒިމް އިންތިހާބުކޮށްފި އެވެ.
މިއަދު ބޭއްވި މި އިންތިހާބުގައި އެ ޕާޓީގެ 11 މަޖިލިސް މެންބަރުން ވޯޓު ދެއްވިއިރު, ނައިބު ލީޑަރުންނަށް ހޮވިފައިވަނީ މާފަންނު މެދު ދާއިރާގެ މެންބަރު އިބްރާހިމް ރަޝީދާއި ގައްދޫ ދާއިރާގެ މެންބަރު އަހުމަދު ޒާހިރެވެ. އަމީންއާންމުކަމަށް އުނގޫފާރު ދާއިރާގެ މެންބަރު މުހައްމަދު ވަހީދު ހޮވިއިރު, ވިޕަކީ މައްޗަންގޮޅި އުތުރު ދާއިރާގެ މެންބަރު މުހައްމަދު ރަޝީދެވެ.
ޑިމޮކްރެޓްސްގެ މަޖިލިސް ދަފްތަރުގައި މިވަގުތު ތިބީ ތިން މެންބަރުންނެވެ.ޕީޖީ ގުރޫޕު އެކުަލަވާލައި އެ ޕާޓީގެ ހުރިހާ މެންބަރުން މަޖިލީހަށް ސިޓީ ފޮނުއްވައި ދަފްތަރަށް އަރާ ހިސާބުން ޑިމޮކްރެޓްސް ވާނީ މަޖިލީހުގެ މައިނޯރިޓީ ޕާޓީއަށެވެ.
