ރިޔާސީ އިންތިހާބުގެ ދެވަނަ ބުރު އެމްޑީޕީން ކާމިޔާބު ކުރާނީ ފަހަތުން އަރައި ކަމަށް އެ ޕާޓީގެ ރިޔާސީ ކެންޑިޑޭޓު ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
ފުރަތަމަ ބުރުގައި އިދިކޮޅު ކެންޑިޑޭޓު ކުރި ހޯދިކަން ފާހަގަކޮށް ރައީސް މިރޭ ވަނީ މިއީ ފުޓުބޯޅަ މެޗެއްގެ ގޮތުގައި ސިފަ ކުރައްވައި، ފުރަތަމަ ހާފުން ބަލިވިޔަސް ދެ ވަނަ ހާފުން ކުރި ހޯދާނީ އާ އަޒުމަކާއި, ރޫހާއި ޖޯޝާ އެކު ކަމަށް ވިދާޅުވެފަ އެވެ.
“ދެވަނަ ހާފުގައި ނުކުމެ އެވަރަށް ހަމަކޮށް، އިތުރަށް ދެ ލަނޑު ޖަހައި ފަސް ލަނޑުން އިރާދުކުރެއްވިއްޔާ ކާމިޔާބުކުރާނީ,” ރައީސް ވިދާޅުވި އެވެ.
ރައީސް ވިދާޅުވީ، ދެ ވަނަ ބުރު ކާމިޔާބު ކުރަން ބޭނުންވާ ބަދަލުތައް ގެނެސްފައިވާ ކަމަށާއި ކާމިޔާބު ކުރާނީ ބޮޑު ތަފާތަކުން ކަމަށެވެ.
