އިންތިހާބީ ރައީސް ނިސްބަތްވާ ޕީޕީއެމް/ޕީއެންސީގެ ލީޑަރު އަދި ކުރީގެ ރައީސް އަބްދުﷲ ޔާމީން މާދަމާ ބައްވާ ހުވާކުމުގެ ޖަލްސާއަށް ވަޑައިނުގަންނަވާނެކަން ކަށަވަރުވެއްޖެއެވެ.
މަޖިލީސްގެ އިދާރާއިން ރަސްމީކޮށް ކުރީގެ ރައީސް އަބްދުﷲ ޔާމީނަށް ވަނީ ދައުވަތުއަރުވާފައިއެވެ.
ރައީސް ޔާމީންގެ ގާނޫނީ ވަކީލުންގެ ޓީމްގެ ބައެއް ބޭފުޅުން މީޑިޔާތަކާ ވާހަކަ ދައްކަވަމުން ބުނެފައިވަނީ ރައީސް ޔާމީން ޖަލްސާގައި ބައިވެރިވެ ވަޑައިނުގަންނަވަނީ ޖިނާއީ ކުށެއް ސާބިތުވެފައިވާ މީހަކު އެ ކަހަލަ ޖަލްސާއެއްގައި ބައިވެރިވުމަކީ އެ ޖަލްސާގެ ކަރާމާތަށް އުނިކަން ލިބޭނެ ކަމެއްކަމަށްވާތީވެ ކަމަށެވެ. އަދި ރައީސް ޔާމީންގެ ނިންމެވުން މަޖިލީހާވެސް ހިއްސާކޮއްފައިވާނެކަމަށް ބުނެފައިވެއެވެ.
ރިޝްވަތާއި މަނީލޯންޑަރިންގެ ކުށުގައި 11 އަހަރުގެ ޖަލު ހުކުމެއް ތަންފީޒު ކުރައްވާ ޔާމީން މިވަގުތު ހުރީ ގެއަށް ބަދަލުކޮށްފަ އެވެ.
