ހުޅުމާލެ ފޭސް 2 ގެ ހިޔާ ފްލެޓެއްގެ ތެރޭގައި މީހަކަށް ރޭ ހަމަލާދިނީ އާއިލީ މައްސަލައަކާ ގުޅިގެން ކަމަށް ފުލުހުން މިއަދު މައުލޫމާތު ދީފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ އެޗް 6 ގެ އެޕާޓްމަންޓެއްގައި ފިރިހެނަކަށް ހަމަލާދިން މައްސަލައެއްގެ ރިޕޯޓް ރޭ ލިބިފައިވާ ކަމަށެވެ.
އެ ހަމަލާގައި އުމުރުން 22 އަހަރުގެ ދިވެހި ފިރިހެނަކަށް އަނިޔާ ލިބިފައިވާއިރު ، 19 އަހަރުގެ ދިވެހި ފިރިހެނަކު ވަނީ ހައްޔަރުކޮށްފަ އެވެ.
އޮފިޝަލް ވިދާޅުވީ، އެ މައްސަލަ މިހާތަނަށް ބެލި ބެލުމުން އެ ފިރިހެން މީހާ އަށް ހަމަލާދީފައިވަނީ އާއިލާގެ ތެރޭގައި ޖެހުނު މައްސަލައެއްގައިކަން އެނގިފައިވާކަމަށާއި މައްސަލަ ދަނީ އިތުރަށް ތަހުޤީޤް ކުރެވެމުން ކަމަށެވެ.
