އަމީނީމަގުގެ ނުނިމިވާ ސެގްމެންޓް 12 އަދި 13 ހެދުމުގެ މަސައްކަތް މިއަދު ފެށުމާއި އެކުގައި އެސަރަހައްދުގެ ދުއްވާ ބަސް ރޫޓްތަކަށް ބަދަލުގެނެސްފިއެވެ.
އެމްޓީސީސީން ރޭ ނެރުނު ނޯޓިސްއެއްގައި ބުނީ އަމީނީ މަގުގެ މަސައްކަތް ނިމެންދެން މިއަދުން ފެށިގެން މާލޭގައި އާރްޓީއެލް ބަސް ދުއްވާ ރޫޓުތަކަށް ބައެއް ބަދަލުތައް ގެނެސްފައިވާ ކަމަށެވެ.
ބަސް ރޫޓްތަކަށް ގެނެސްފައިވާ ބަދަލުތައް
އަމީނީ ރޫޓް: މި ރޫޓްއިން ދަތުރުތައް ދެން ކުރާނީ އަމީނީ މަގުން ގޮސް ހަނދުވަރީ ހިނގުމަށް އެޅުމަށް ފަހު، އެ މަގުން މަޖީދީ މަގަށް އަޅައިގެންނެވެ.
އޯކިޑް ރޫޓް: މި ރޫޓްގެ ދަތުރުތައް ދެން ކުރާނީ މަޖީދީ މަގުން ގޮސް ވެސްޓް ޕާކް ބަސް ސްޓޮޕުން އަނބުރާލާ ގޮތަށެވެ.
ހުޅުމާލެ ރޫޓް: ހުޅުމާލެ އާއި މާލެއާ ދެމެދު ދަތުރު ކުރާ ބަސްތަކުގެ ދަތުރު ފަށާ އަދި ނިމޭ ބަސް ސްޓޮޕަކީ މާފަންނު ބަސް ޓާމިނަލްއަށެވެ.
އަމީނީމަގު ހެދުމުގެ މަސައްކަތް ފެއްޓުމާއި އެކުގައި ފުލުހުންވެސް ވަނީ އެ ސަރަހައްދުގެ ޓްރެފިކަށް ބައެއް ބަދަލުތައް ގެނެސްފައިވެއެވެ.
ރައީސް އިބްރާހިމް މުހައްމަދު ސޯލިހުގެ ސަރުކާރުގައި އަމީނީ މަގު ހެދުމުގެ މަސައްކަތް ފެއްޓެވީ ދައުރު ނިމުމުގެ ކުރިން އަމީނީ މަގުގެ މަސައްކަތް ނިންމުމަށެވެ. ނަމަވެސް މިއަހަރުގެ ރިޔާސީ އިންތިހާބުގެ ފުރަތަމަ ބުރަށް މަސައްކަތް ހުއްޓާލި އިރުގައި މަސައްކަތް ނިމިފައިވަނީ އިމާރާތްކުރުމާއި ބިނާރާ ބެހޭ ވުޒާރާ އާއި ހަމައަށެވެ.
ޒަމާނީ ފެންވަރަކަށް އަމީނީ މަގު ހެދުމަށް ދައުލަތުގެ ބެޖެޓުން 84 މިލިއަން ރުފިޔާ ހަރަދު ކޮއްފައިވެއެވެ.
