ޖުމްހޫރީ ޕާޓީ (ޖޭޕީ)ގެ ނައިބް ލީޑަރުގެ މަގާމަށް ހަތަރު ބޭފުޅަކު ކުރިމަތިލައްވައިފި އެވެ.
ޖޭޕީ އަކީ ފަސް ނައިބް ލީޑަރުން ތިއްބަވާ ޕާޓީ އެކެވެ. ޖޭޕީގެ ނައިބް ލީޑަރެއްގެ ގޮތުގައި ހުންނެވި އިގްބާލް އާދަމް އެ ޕާޓީން އިސްތިއުފާ ދެއްވުމަށްފަހު ރައީސް އޮފީހުގެ މިނިސްޓަރު ކަމާ ހަވާލުވެވަޑައިގަތުމާ ގުޅިގެން ނައީބް ރައީސްގެ އެއްޖާގަ ވަނީ ހުސްވެފައިއެވެ..
ޖޭޕީގެ ނައިބް ލީޑަރު ކަމަށް ކުރިމަތިލެއްވި ބޭފުޅުން
- ޓޫރިޒަމް މިނިސްޓްރީގެ ކުރީގެ ޑެޕިއުޓީ މިނިސްޓަރު އައްސަދު ރިޒާ
- ރައްޔިތުންގެ މަޖިލީހުގެ ވިލިމާލެ ދާއިރާގެ ކުރީގެ މެންބަރު އަދި ގާސިމް އިބްރާހީމްގެ އެޑްވައިޒަރު އަހްމަދު ނިހާން ހުސައިން މަނިކު
- ޓްރާންސްޕޯޓް މިނިސްޓްރީގެ ކުރީގެ ސްޓޭޓް މިނިސްޓަރު އަދި ޖޭޕީގެ ތަރުޖަމާން އަލީ ސޯލިހް
- ޖޭޕީގެ ކައުންސިލް މެންބަރު މުހައްމަދު ސައީދު (ބޮކި ސައީދު)
ޖޭޕީގެ ނައިބް ލީޑަރު ހޮވުމާ އަދި ހުސްވެފައިވާ އެހެން މަގާމުތަކަށް ބޭފުޅުން ހޮވުން މިއަދު މެންދުރު 14:00 ގައި ކުރިއަށް ގެންދާނެ އެވެ. މިއިންތިހާބުގައި ވޯޓުލާނީ ޖޭޕީގެ ކައުންސިލް މެންބަރުންނެވެ.
