ދަރުމަވަންތަ ހޮސްޕިޓަލްގެ ޑެޕިއުޓީ ސީއީއޯއަކަށް ޑރ. ޝާހް އަބްދުﷲ މާހިރު އައްޔަން ކުރައްވައިފި އެވެ.
ރައީސް ޑރ. މުހައްމަދު މުއިއްޒު ޝާހް މާހިރު އެ މަގާމަށް އިއްޔެ އައްޔަން ކުރައްވާފައިވާއިރު އެބޭފުޅާވަނީ ނިމިދިޔަ ސަރުކާރުގައި ހެލްތު މިނިސްޓްރީގެސްޓޭޓް މިނިސްޓަރު ކަމުގައި ހުންނެވުމަށް ފަހު އެ މަގާމުން އިސްތިއުފާ ދެއްވައި އޭރު ސަރުކާރާ ދެކޮޅަށް މަސައްކަތްކުރި ޑިމޮކްރެޓްސްއާއި ގުޅިވަޑައިގެންފައިއެވެ.
ޝާހް އަކީ ލަންޑަންގެ އިންޕީރިއަލް ކޮލެޖް އޮފް ސައިންސް، ޓެކްނޮލޮޖީ އެންޑް މެޑިސިން އިން މަތީ ތައުލީމް ހާސިލްކުރައްވާފައިވާ ބޭފުޅެކެވެ.
މީގެ އިތުރުން އިންގްލެންޑްގެ ޖެނަރަލް މެޑިކަލް ކައުންސިލްގެ ލައިސަންސް އޮންނަ ބޭފުޅެކެވެ. އަދި ބްރިޓިޝް މެޑިކަލް އެސޯސިއޭޝަން އާއި މެޑިކަލް ޑިފެންސް ޔޫނިއަންގެ މެންބަރެއްވެސްމެއެވެ.
