ރަމަޟާން މަހުގެ ފަހު 10 އަކީ ސަރުކާރު ބަންދު ދުވަސްތަކުގެ ގޮތުގައި ވަޒީރުންގެ މަޖިލީހުން ކަނޑައަޅައިފިއެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި އެ އޮފީހުގެ ޗީފް ސްޕޯކްސްޕާސަން، މުހައްމަދު ޝަހީބް ވިދާޅުވީ، އެ ނިންމުން ނިންމާފައިވަނީ ދީނީ ކަންކަމަށް ރައްޔިތުން ލޯބި ޖެއްސުމާއި ދީނީ ކަންކަމަށް އިސްކަން ދިނުމުގެ ގޮތުން ކަމަށެވެ.
ރައީސް ޑރ. މުހައްމަދު މުއިއްޒުގެ މި ވައުދުފުޅަކީ 31 އޮގަސްޓްގައި ބ. އޭދަފުއްޓަށް ވަޑައިގެން ވެވަޑައިގެންފައިވާ ވައުދެއް ކަމަށްވެސް އެބޭފުޅާ ވިދާޅުވެފައިވެއެވެ.
