ފަހި ދިރިއުޅުމުން އިމާރާތްކުރަމުން ދާ ގެދޮރުވެރިޔާ މަޝްރޫއުގެ ފްލެޓްތައް ލިބޭނެ މީހުން ކަނޑައަޅައި ނެރުނު ލިސްޓާ ގުޅޭ ގޮތުން ބަލަމުން އަންނަކަންކަން ވީ އެންމެ އަވަސް ފުރުސަތެއްގެ ތެރޭގައި ނިންމުމަށް މަަސައްކަތް ކުރަމުން އަންނަ ކަމަށާއި އެ ތަހުގީގު ނިމޭނެ ދުވަހެއް ނޭނގޭ ކަމަށް އޭސީސީންބުނެފި އެވެ.
އެ ކޮމިޝަންގެ މީޑިއާ އޮފިޝަލް ވިދާޅުވީ ފްލެޓާ ގުޅޭގޮތުން ހުށަހެޅި މައްސަލަތައް ވީހާ އަވަހަކަށް ނިންމަން ތަހުގީގު ޓީމުން މަސައްކަތްކުރި ނަމަވެސް ކުރިއަށްދާ ތަހުގީގަކަށް ވުމުން، ތަހުގީގު މަރުހަލާ ތެރޭގައި ވެސް ފާހަގަވާ އިތުރު ކަންކަން ހުންނާތީ، ތަހުގީގު ނިންމާލެވޭނެ ދުވަހެއް ބުނަން ދަތިވާކަމަށެވެ.
މިނިސްޓަރު ހައިދަރު ވިދާޅުވީ އޭސީސީގެ ތަހުގީގަށް މައުލޫމާތު ފޯރުކޮށްދީފައިވާ ކަމަށާއި އަދިވެސް ތަހުގީގު ނުނިމޭތީ ފްލެޓް ލިއުން އަދި ދޫނުކުރެވޭނެކަމަށް، މިދިޔަ ބުރާސްފަތި ދުވަހު އޭނާ ވިދާޅުވި އެވެ.
ހައިދަރު ވިދާޅުވީ އެ ކްރައިޓީރިއާއަކަށް އެއްވެސް ބަދަލެއް ނުގެންނާނެ ކަމަށެވެ. އަދި ކުރީގެ ލިސްޓުގައި އެއްވެސް މައްސަލައެއް ނެތް ނަމަ، ހަމަ އެލިސްޓަށް، ފުރަތަމަ 4،000 ފްލެޓު ލިބުނު މީހުންނަށް ލިޔުން ދޭނެ ކަމަށް އޭނާ ވިދާޅުވި އެވެ.
