ސަރުކާރުން އަބަދުވެސް އީޖާދީ ވިސްނުންތަކަށް މަރުހަބާ ކިޔާ ވިޔަފާރީގެ އާ ކަންކަމަށް އިސްކަންދޭނެ ކަމަށް އިކޮނޮމިކް މިނިސްޓަރު މުހައްމަދު ސައީދުވިދާޅުވެއްޖެ އެވެ.
ޗައިނާގެ ފޫޖިއަންގެ އިންވެސްޓް ފޯރަމް ގައި ވާހަކަފުޅު ދައްކަވަމުން
ސައީދު ވިދާޅުވީ، އާ ސަރުކާރުން މިކަހަލަ ފޯރަމްތައް ބާއްވަނީ، އަމިއްލަ ވިޔަފާރިތަކަށް ފަހި ފުރުސަތުތަކެއް ހޯދައިދިނުމަށް ކަމަށެވެ. އެބޭފުޅާ ވިދާޅުވީ،ފޯރަމެއްގެ ނަތީޖާ ފެންނާނީ، ވިޔަފާރިތައް ފެށި، އަމަލީގޮތުން އެކަންކަން ފެންނަން ފެށުމުން ކަމަށެވެ.
ރާއްޖެ އިން އިންތިޒާމު ކޮށްގެން 1 ދުވަހުގެ މުއްދަތަށް ޗައިނާގައި މިއަދު ފެށި އިންވެސްޓް ފޯރަމްގައި ބައިވެރިވުމަށް ރާއްޖޭގެ ބޮޑެތި ބައެއް ވިޔަފާރިވެރިން ވެސް ވަނީ ޗައިނާ އަށް ގޮސްފަ އެވެ.
